«Թուրքիան կրկին անցել է ֆեյք քաղաքականության». Կարեն Հովհաննիսյան

Քրդագետ Կարեն Հովհաննիսյանը ֆեսբուքյան իր էջում գրում է. «Թուրքիան անցել է կրկին ֆեյք քաղաքականության: Ռուսաստանին և Իրանին չկարողանալով համոզել, որպեսզի Իդլիբում չիրականացնեն ռազմական գործողություններ, անցել է տեղեկատվական պատերազմի: Թուրքական մեդիադաշտում պտտվում են նկարներ և վիդիոներ, որոնք ցուցադրում են, թե ինչպես են սիրիացի փախստականները անցնում Թուրքիա՝ հաղթահարելով սահմանային պատը: Թուրքիային թվում է, թե ինքը կարող է այս կերպ ցույց տալ, թե իր երկիրն ապօրինի ներգաղթյալների թիրախ է դառնում, բայց մոռանում է հենց այդ նույն պատի անառիկության մասին մեկ տարի առաջ տրված հայտարարությունը: Ըստ թուրքական սահմանային անվտանգության տվյալների, Թուրքիայի և Սիրիայի սահմանին Թուրքիան 2018թ.-ի գարնանը ավարտին է հասցրել Սիրիայի հետ սահմանի 911 կմ-ոց պատի կառուցումը: 2 մետր երկրարությամբ, 3 մետր բարձրությամբ 7 տոննանոց բետոնե բլոկներով կառուցված պատի վերևի հատվածը փակված է փշալարերով, իսկ պատի անմիջական հարևանությամբ ճանապարհ է, որը դյուրացնում է շրջիկ սահմանապահների աշխատանքը: Բացի սա, պատի վրա տեղակայաված են սենսորային տեսանկարահանող սարքեր, որոնք միանում են, եթե պատին որևէ բան է կպչում: Այսպիսով, Թուրքիան ունի գրեթե անխոցել սահմանային պատ խմբակային ապօրինի սահմանը հատողների համար, բայց հիմա փորձ է անում ցույց տալ, թե իր երկիրը լցվում է փախստականներով: Առաջին նկարում իբրև թե փախստակններն են, որ անցնում են այդ պատը, իսկ երկրորդ նկարում պատն է թուրքական կողմից: