Զարմանում եմ վարչապետի պարապությունից, որ գործ անելու փոխարեն Live է մտնում. Շարմազանով
Խորհրդրանում լրագրողների հետ զրույցում ՀՀԿ խմաբկցության պատգամավոր, ԱԺ փոխխոսնակ Էդուարդ Շարմազանովն անդրադարձավ կոռուպցիոն բացահայտումներին: Ինչպես ասաց՝ զարմանում է, որ գործ անելու փոխարեն մեր սիրելի կառավարության գործընկերները զբաղված են շոուներ անելով, վարչապետն էլ առավոտից երեկո Live է անում: Հարցին` այս ընթացքում ինչ իշխանությունները փոխվել են, բացահայտվում են տարբեր չարաշահումներ, պարզվեց Հրանուշ Հակոբյանը 70 մլն-ը չգիտենք ինչ է արել, հյուսիս-հարավում է չարաշահումներ եղել, ՊՆ-ում վառելիք են կերել, անգամ վարչապետն ասում է զարմանում եմ, Շարմազանովն արձագանքեց. «Ես էլ զարմանում եմ վարչապետի պարապությունից, որ գործ անելու փոխարեն գնում է գումի շուկա պամիդորի գին է հարցնում, որը պետք է գյուղատնտեսության առաջատար մասնագետն աներ: Զարմանում եմ` վարչապետի պարապությունից, որ առավոտից իրիկուն լայֆ ա մտնում կամ գործ անելու փոխարեն մեր սիրելի կառավարության գործընկերները զբաղված են շոուներ անելով»: Դիտարկմանը, թե հանրությունն ընդունում է, որ որոշ բաներ էժանացել են, ԱԺ փոխնախագահն արձագանքեց. «Բանանը էժանացավ, մեռաք կոխելով աչքներս, բանանն էժանացավ, միսն էլ հարյուր անգամ թանկացավ»:
Հետևեք մեզ Viber-ում
