Արփինե Հովհաննիսյանի պահանջը

Ընտրակեղծիքները մենք վաղուց  քրեականացրել ենք, ուղղակի միջին ծանությունը հիմա դարձնում են ծանր, և այս համատեքստում նախագծին կողմնակից եմ, հայտարարեց ԱԺ փոխնախագահ Արփինե Հովհաննիսյանը՝ Կառավարության կողմից ներկայացված «ՀՀ քրեական օրենսգրքում փոփոխություններ և լրացումներ կատարելու մասին» և կից ներկայացված օրենքների նախագծի քննարկման ընթացքում:  Ինչպես ասաց՝ մի քանի սուբյեկտներին վերաբերող ընտրական գործընթաց ենք անում, և կարևոր է, որ այս թուհուբոհին չանտեսենք ընտրողի իրավունքները: «Խոստումն ընդունելու հետ կապված որևէ մեկն իրավապահ համակարգից չգիտի, թե ինչպես են մեկնաբանելու խոստումն ընդունելը: Մեր կարծիքը կարևոր չէ, կարևոր է, թե ինչքան հստակ է իրավաբանորեն ձևակերպված և կիրառող մարմինն ի՞նչ է հասկանում դրա տակ»,-փաստեց նա: Երկրորդ դիտարկումը վերաբերում էր խոստման հիման վրա քվեարկության գաղտնիությունը խախտելուն: «Ո՞ւմ է տրված խոստումը, ե՞րբ է տրված, ինչի՞ համար է տրված, որ այդ քաղաքական ուժին է քվեարկելու: Շահադիտական նպատակներովը այսօր էլ կա և վաղուց է քրեականացված, որի տակ մտնում է և՛ գումարը, և՛ այլ խոստումներ»,-ասաց ԱԺ փոխնախագահը: Ըստ նրա` տեսակետներ են հնչում, թե այս նախագիծը ռադիկալ քրեականացման նախագիծ է: «Այդքան էլ համաձայն չեմ, քանի որ ընտրակեղծիքները մենք քրեականացրել էինք, ուղղակի միջին ծանությունը հիմա դարձնում են ծանր, և այս համատեքստում նախագծին կողմնակից եմ»,-նշեց Արփինե Հովհաննիսյանը: