Ինչ զենք է տեսել Օսիպյանը Մարտի 1-ի դեպքերի ժամանակ ցուցարարների մոտ

Կառավարության նիստից հետո լրագրողների հետ ճեպազրույցում ՀՀ ոստիկանապետ Վալերիյ Օսիպյանը նշեց, որ Մարտի 1-ի գործով կան ոստիկաններ, որոնք ընդգրկված են եղել տարբեր ստորաբաժանումներում, բայց դա չի նշանակում, որ բոլորը ենթակա են պատասխանատվության, կամ, առհասարակ, ենթակա են պատասխանատվության: «Ինքնին փաստաթուղթ կեղծելը քրեորեն պատժելի արարք է, թե ով է արել չեմ կարող ասել, արդոք հնարավոր է անել…եկեք ոչ մի բան չբացառենք, եթե այդպիսինները կան, թող պատասխանատության ենթարկվեն»,- նշեց Օսիպյանը: Նա նաեւ նշեց, որ Մարտի 1-ի դեպքերի ժամանակ ցուցարարների մոտ զենք- զինամթերք չի տեսել. «Բայց փայտեր եւ այլն բոլորս էլ տեսել ենք: Այս հարցերն ուղղեք այն մարդկանց, ովքեր այդ օրերին եղել են վերադաս»,- ասաց Օսիպյանը՝ նշելով, որ Մարտի 1-ի գործով ցուցմունք տալու չի հրավիրվել: Արձագանքելով Ռոբերտ Քոչարյանի փաստաբանների պնդմանը, թե Մարտի 1-ին ոստիկաններին հրաման չի եղել գործողություններ իրականացնել, ի վերջո, հրաման եղել է, թե ոչ, ոստիկանապետն ասաց. «Ես տեղյակ չեմ»։