Այս ամենն արվում է Սատանայի կողմից. Խաչիկ Ստամբոլցյանն Ընտրական օրենսգրքի մասին
Ընդդեմ մարդկանց համարակալման կազմակերպությունը ներկայացնող հասարակական-քաղաքական գործիչ Խաչիկ Ստամբոլցյանն այսօր Ընտրական օրենսգրքի թեմայով խորհրդարանական լսումների ժամանակ նշեց, որ եթե ազգը բարոյական է, ընտրությունն էլ բարոյական կանի: Նա ասաց, որ դեմ է նույնականացման քարտով ընտրություն կատարելուն, որովհետեւ նույնականացման քարտը պարունակում է անձնական տվյալներ, իսկ անձնական տվյալներ հայթայթելու իմաստը ստուգելն ու վնաս պատճառելն է մարդուն. «Թե ի՞նչ բան է անձնական տվյալ, մեկ էլ տեսնում ենք, որ պետք է լինի մատնահետք, աչքի ցանցաթաղանթ, արյան խումբ: Այս ամենն արվում է Սատանայի կողմից: Պետք է ստիպեն բոլորին՝ փոքրերին, մեծերին, ազապներին, ամուսնացածներին, հարուստներին աղքատներին, որ իրենց աջ ձեռքի եւ ճակատի վրա դրոշմ ընդունեն: Վերցնենք դրոշմը, որ մեկը չկարողանա գնել կամ ծախել: Դա մարդու թիվն է, այդ թիվը՝ 666-ը: Սա միայն անձնական խնդիր չէ, սա ազգային անվտանգության խնդիր է: Այսօր ամեն բան մարդկության դեմ է՝ ալյուրի հարստացում, իսկ ովքեր չեն հավատում, որ Աստված կա, գոնե հավատում են, որ Սատանա կա»:
Հետևեք մեզ Viber-ում
