Գևորգ Կոստանյանը՝ Ռոբերտ Քոչարյանի գործի մասին
«Ես չեմ կարող զուտ հայտարարությունների հիման վրա գնահատական տալ: Ես կարող եմ երկու հանգամանքի վրա ուշադրություն դարձնել՝ անմեղության կանխավարկածի ինստիտուտի և նախաքննության ու օրինականության ինստիտուտի»,- խորհրդարանում ասաց ԱԺ ՀՀԿ խմբակցության պատգամավոր Գևորգ Կոստանյանը՝ խոսելով Մարտի 1-ի գործով իրավապահ մարմինների գործունեությունից: Ինչպես նշեց՝ ինքն այն համոզմանն է, որ Ռոբերտ Քոչարյանին հարցաքննելու անհրաժեշտությունը չկա. «Այդ պահին առկա ապացուցողական բազայի շրջանակներում դու չես կարող քրեական գործի վերաբերյալ կարծիք կազմել, դու պետք է ունենաս կոնկրետ իրավիճակում քրեական գործի վարույթը տվյալ ժամանակահատավածում: Դու չգիտես, թե մեկ տարվա կամ երկու տարվա ընթացքում ինչ ապացույցներ են ձեռք բերվել»: Պատգամավորը նշեց, որ ինքը 2016-ի օգոստոսից այլևս գլխավոր դատախազ չէ: «Այսինքն՝ ես չգիտեմ` դրանից հետո ինչ քննություն են իրակացրել, ինչ ապացույցներ ձեռք բերել, որ դա հանգեցրել է անհրաժեշտության»,- ասաց նա:
Հետևեք մեզ Viber-ում
