Եթե դու քաղաքական գործիչ ես, պետք է արիություն ունենաս կոնկրետ ասելու՝ ովքեր են սև, ովքեր սպիտակ.ավագանու թեկնածուները՝ Մարությանի խոսքերի մասին (video)

Այսօր Հայելի ակումբում լրագրողների հետ հանդիպմանը «Իմ քայլը» դաշինքից Նարինե Թուխիկյանը, «Երևանի հանրություն» ընտրական դաշինքից Արմեն Հովհաննիսյանը և կրթական ոլորտում փորձագետ Անահիտ Բախշյանը, խոսելով երջին օրերին մամուլում և սոցիալական ցանցերում քննարկման արժանացած քաղաքապետի թեկնածու Հայկ Մարությանի հայտարարություններին, քաղաքական ուժերին՝ սևերի և սպիտակների բաժանելուն,Անահիտ Բախշյանն ասաց. «Ես արդեն այնքան շատ եմ խոսել այդ մասին: Վստահ եմ, որ նման հայտարարության պատճառը փորձի պակասն է»: «Երևանի հանրություն» ընտրական դաշինքից Արմեն Հովհաննիսյանն էլ ասաց. «Ինձ չեն մտահոգում պարոն Մարությանի իր մտքերը ձևակերպելու թերությունները: Ինձ մեկ այլ բան է մտահոգում. մենք փորձում ենք ոչ ազնիվ պայքար մղել միմյանց դեմ: Չի եղել մի դեպք, երբ ինձ հարցրել են՝ ինչպես եմ վերաբերվում ՀՀԿ-ին ու Սերժ Սարգսյանին, ու ես կոնկրետ պատասխան չեմ տվել»: «Իմ քայլը» դաշինքից Նարինե Թուխիկյանն էլ արձագանքելով հարցին՝ ասաց. «Ես վստահ չեմ, որ որակումն անելիս նկատի են առնվել ավագանու ընտրություններին մասնակից ուժերը: Ւմ կարծիքով՝ Հայկ Մարությանի որակումները վերաբերել են ընդհանրապես այն քաղաքական ուժերին, որոնք փորձում են խոչընդոտել հեղափոխության կայացմանը»: Առավել մանրամասն՝ տեսանյութում.