Փաշինյանը՝ Պուտինի կողմից Քոչարյանին շնորհավորելու մասին
Վարչապետ Նիկոլ Փաշինյանը ՀՀ երկրորդ նախագահ Ռոբերտ Քոչարյանի ծննդյան տարեդարձի կապակցությամբ ՌԴ նախագահ Վլադիմիր Պուտինի շնորհավորանքի մեջ քաղաքական ենթատեքստ չի տեսնում։ Այս մասին նա հայտարարեց սեպտեմբերի 4-ին, լրագրողների հետ զրույցում։ «Դա անձնական հարաբերությունների խնդիր է։ Ընդհանրապես, հասցնելով ճանաչել ՌԴ նախագահին, կարող եմ ասել, որ նա մարդկային կապերը շատ է գնահատում է եւ պահպանում է աշխարհի տարբեր երկրների ներկա եւ նախկին ղեկավարների հետ: Դուք տեսաք, որ վերջերս, չնայած ԵՄ–ի հետ բավականին պրոբլեմատիկ հարաբերություններին, նա մասնակցեց Ավստրիայի բարձրաստիճան պաշտոնյայի հարսանյաց արարողությանը, ինչը նշանակում է, որ մարդկային կապերը նրա համար առանձնահատուկ նշանակություն ունեն»,- ասաց նա:
Հետևեք մեզ Viber-ում
