Սուրենյանը սեպտեմբեր ամսվա եղանակի մասին

Հայաստանում ամառային շոգերը կպահմանվեն նաև սեպտեմբերին: Այս մասին օգոստոսի 31-ին լրագրողներին հայտնել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը: «Ընդհանուր առմամբ, այս տարվա սեպտեմբերն օգոստոսը հիշեցնող շոգ ամառային ամիս կլինի Հայաստանում: Միայն որոշ շրջաններում գիշերը ջերմաստիճանը կբարձրանա 3 աստիճանով, իսկ առաջիկա 10 օրվա ընթացքում օդի ջերմաստիճանը կնվազի 4-5 աստիճանով»,- նշել է Գագիկ Սուրենյանը: Խոսելով հոկտեմբեր ամսից՝ ասել է, որ նորմայից ավել տեղումներ են սպասվում, սակայն քանակական ցուցանիշներ դեռ չեն կանխատեսվում: «Այս տարվա հունիսն անձրևոտ էր, բայց շոգ, հուլիսին ջերմաստիճանը հասավ 40-42 աստիճանի և պահպանվեց 13-14 օր, ինչը ռեկորդային դարձավ վերջին 100 տարվա համար: Իսկ օգոստոսը փոփոխական էր, սակայն այս ամիս տեղումները ռեկորդային չէին, թեև առատ կարկուտներ էին նկատվում»,- նշել է Սուրենյանը: