«Բարով մաշի Փաշինյանը, Սերժ Սարգսյանի հագով կարված Սահմանադրությունը».Վահրամ Բաղդասարյանը
ԱԺ ՀՀԿ խմբակցության ղեկավար Վահրամ Բաղդասարյանը, պատասխանելով հարցին, թե չե՞ք փոշմանել, որ հիմա փաստորեն սուպերվարչապետական Սահմանադրություն եք կարել, որը ստացվել է Նիկոլ Փաշինյանի հագով, կարճ ասաց. «Բարով մաշի»։ Այնուհետև՝ հավելեց. «Նիկոլ Փաշինյանի հայտարարությունների մեջ եղել է, որ ինքը պետք է լիազորությունների բաշխում կատարի եւ ԱԺ լիազորությունների մեծացման հետ կապված եւ ՀՀ նախագահի, բայց մենք առայժմ նման առաջարկություն չենք ստացել»: Նա տեղեկացրեց, որ այս իրավիճակի համար իրենք շատ հարմար Սահմանադրություն են ընդունել, որտեղ վարչապետը պետք է լինի որոշումներ կայացնող անձ: «Երբ վերջակետ կդնենք ղարաբաղյան խնդրին, լուծում ստացած կլինի, այդ ժամանակ բավականին լուրջ փոփոխություններ կարող ենք կատարել ոչ միայն Սահմանադրության, յալեւ շատ այլ հարցերում»,-ասաց նա:
Հետևեք մեզ Viber-ում
