Ավտոբուսը բախվելով 5 մեքենայի՝ ընկել է կամրջից. կան զոհեր և վիրավորներ
Ինչպես հաղորդում է Корреспондент-ը՝ վկայակոչելով տեղի լրատվամիջոցը, Ֆինլանդիայում,Կուոպիո քաղաքի մոտակայքում, ուղևորատար ավտոբուսն ընկել է կամրջից՝ հայտնվելով երկաթուղային գծի վրա: 4 մարդ է զոհվել, ևս 19-ը վիրավորվել են, որոնցից 4-ի մոտ լուրջ վնասվածքներ են գրանցվել: Նշվում է, որ միջադեպը տեղի է ունեցել տեխնիկական անսարքության պատճառով: Վարորդը հայտնել է, որ ավտոբուսի արգելակներն են խափանվել, և իրեն չի հաջողվել ժամանակին կանգնեցնել տրանսպորտային միջոցը: Ականատեսների խոսքով՝ ավտոբուսը մեծ արագությամբ է ընթացել և բախվելով 5 մեքենայի՝ ընկել է կամրջից:
Հետևեք մեզ Viber-ում
