Փաշինյանը հպարտությամբ նշեց, որ իր պիջակը ոչ թե Gucci կամ Zilli է, այլ Հայաստանում կարված

Երեկոյան ֆեյսբուքյան ուղիղ եթերում  ՀՀ վարչապետ Նիկոլ Փաշինյանը հայտարարեց, որ մեր տնտեսությունը պետք է կառուցվի արտահանելու տրամաբանությամբ, քանի որ մեր շուկան շատ փոքր է: Այնուհետև նա օրինակ բերեց ադամանդագործությունը, ոսկերչությունը, թեթև արդյունաբերությունը: Հետո էլ կոչ արեց աջակցել տեղական արտադրողին. «Կոշիկ, հագուստ հագնելիս տեղականը լինի այնպիսի որակի ու գնի, որ հնարավորություն ունենանք դա օգտագործել: Նման հնարավորություն կա: Մեզ մոտ արտադրվող որակյալ կոշիկներ կան, հագուստի որոշակի տեսականի, որ ես հաճույքով օգտվում եմ: Ուրախ եմ, որ ես հանրահավաքին մի պիջակ էի հագել, հետո տեսա, որ գրում են, թե դա «Gucci»-ի կամ «Zilli»-ի է: Ուզում եմ ասել, որ դա Հայաստանում արտադրված պիջակ էր, ցավոք ոչ գործարանում, այլ մասնավոր դերձակի մոտ պատվիրված: Ուրախ եմ, որ նման տպավորություն է ստեղծվել, դա նշանակում է, որ ՀՀ-ում լուրջ պոտենցյալ կա այդ առումով»: Հիշեցնենք, որ ավելի վաղ, Փաշինյանի բրյուսելյան այցի ժամանակ իտալացիների սուր աչքից չէր վրիպել այն, որ ՀՀ վարչապետը հագնում է հայկական արտադրության՝ ձեռքով կարված կոշիկներ, և արժանացրել էին իրենց բարձր գնահատականին։