Դավիթ Սանասարյանը ներկայացրել է Պետական Վերահսկողական ծառայության երկու նոր աշխատակիցներին
Պետական Վերահսկողական ծառայության ղեկավար Դավիթ Սանասարյանը Facebook-ի իր էջում ներկայացրել է կառույցի երկու նոր աշխատակիցներին: Դավիթ Սանասարյանի գրառումն ամբողջությամբ ներկայացնում ենք ստորև. «Սիրով տեղեկացնում եմ, որ ՀՀ Պետական Վերահսկողական Ծառայությունը համալրվել է երկու պայծառ դեմքերով։ Լրատվության ու հասարակության հետ կապերի բաժնի պետի ժամանակավոր թափուր պաշտոնը մինչև մրցույթը կզբաղեցնի շատերիս կողմից սիրված հետաքննող լրագրող, ՀԵՏՔ-ի լավագույն դեմքերից Զարուհի Մեջլումյանը։ Զարուհու մասին կարող եմ ասել, որ իմ ճանաչած ամենասզկբունքային, ամենաբարի, իր գործում պրոֆեսիոնալ ու նվիրյալ քաղաքացիներից է։ Ու էս ամենի մասին կհավաստեն նրան ճանաչողները։ Հաջորդ պայծառ դեմքը կրկին մեր բոլորի կողմից սիրված Ղուկասյան Կարն է, ով նորից հայտնի է իր բարությամբ, սկզբունքայնությամբ, օժտված է քաղաքացիական բարձր պատասխանատվությամբ և տարիներ շարունակ կռիվ է տվել շատերի իրավունքների համար։ Կարը հայտնի է նաև էլեկտրիկ Երևանի ժամանակ ջրցանի դեմ կանգնած իր խիզախ կեցվածքի նկարով»:
Հետևեք մեզ Viber-ում
