Իզաբելլա Աբգարյանը՝ Երևանի ավագանու ՔՊ ցուցակում

Բլոգեր Իզաբելլա Աբգարյանը ֆեյսբուքյան իր էջում գրում է. «Պատիվ ունեմ Քաղաքացիական պայմանագիր կուսակցության առաջարկով մասնակցել Երևանի ավագանու ընտրություններին: Միանում եմ մի հրաշալի թիմի, որի հետ թե պայքարելը, թե չարչարվելը, թե գաղափար կերտելն  ու իրագործելը մեծ բավականություն է ու պարտավորեցում»: Հիշեցնենք, որ hayeli.am-ն ավելի վաղ գրել էր, որ նոր կառավարությունում նոր կադրերի խնդիր կա և փորձ է արվում կարող ուժերով համալրել պետական կառույցները: Hayeli.am-ի տեղեկություններով հեղափոխական թիմը որոշ կադրերի ընտրություն արդեն կատարել է: Մասնավորապես առաջիկայում պաշտոն կստանան Ստյոպա Սաֆարյանն ու Իզաբելլա Աբգարյանը: Նշենք, որ նրանք երկուսն էլ շատ ակտիվ են եղել սոցիալական ցանցերում, պաշտպանել են թավշյա հեղափոխության թիմի գործունեությունը: