Ավագանու ընտրություններում ով է գլխավորելու «Ժառանգության» ցուցակը
««Ժառանգություն» կուսակցության վարչությունը այսօր կգումարի լիագումար նիստ, որի ժամանակ կորոշվի՝ ի՞նչ ցուցակով են մասնակցում սեպտեմբերի 23-ին կայանալիք Երևանի ավագանու արտահերթ ընտրություններին : Մենք անցյալ շաբաթ հայտարարեցինք, որ մասնակցելու ենք ընտրություններին։ Մինչև այսօր ժամանակ տվեցինք և հույս տածեցինք, որ միասնական ցուցակի մեր առաջարկը կընդունվի։ Բայց, ավաղ, բազմակուսակցական ցուցակների մրցակցություն է լինելու:Ակնկալում ենք ազատ ու արդար ընտրություններ », - լրագրողների հետ հանդիպման ժամանակ հայտարարեց «Ժառանգություն» կուսակցության հիմնադիր Րաֆֆի Հովհաննիսյանը։ «Երևանյան այս ընտրությունները լինելու են օրինական, քանի որ բացառվելու են ընտրական «հոռի երևույթները, որոնք ուղեկցել են ընտրությունները վերջին 20 տարվա ընթացքում»։ «Ժառանգության» համամասնական ցուցակում կլինեն նաև քաղաքացիական հասարակության անդամներ: Այս պահին ցուցակը գլխավորելու հետ կապված քննարկվում է 3 անուն՝ Արմեն Մարտիրոսյանի, իր՝ Րաֆիի Հովհաննիսյանի, իսկ երրորդը կարող է լինել վարչությունից դուրս մեկը»,-տեղեկացրեց նա:
Հետևեք մեզ Viber-ում
