Խելքներդ գլուխներդ հավաքեք. Փաշինյանը՝ նախորդ իշխանություններին
Հրապարակում ընթացող հանրահավքի ժամանակ Նիկոլ Փաշինյանը հայտարարեց. «Ես հրաժարվելեմ դատական իշխանությանը հրահանգներ տալու արատավոր պրակտիկայից, բայց մյուս կողմից ես ուզում եմ շատ հստակ ընգծել, որ սա չի նշանակում, որ որոշ դատավորներ պետք է շարունակեն հրահանգներ ստանալ նախորդ կոռումպացված իշխանության ներկայացուցիչներից: Նախորդ իշխանության ներկայացուցիչներին և նրանցից հնրահանգներ ստացող դատական իշխանության ներկայացուցիչներին ուղում եմ ասել, շատ ուղիղ և կոնկրետ՝ խելքներդ գլուխներդ հավաքեք և կատակ չանեք ժողովրդի հետ»:
Նա հայտնեց, որ այսօր արդեն տասնյակ միլիոնների գողացված դոլարներ են վերադարձվել և վերադարձվում պետությանը, սակայն ունենք մի իրավիճակ, երբ իրավապահ մարմիններն աշխատում են խստագույն ծանրաբեռնվածությամբ:
«Բացի դա, տեղի են ունեցել իրադարձություններ, որոնք հարց են առաջացնում՝ արդյո՞ք գործող դատական համակարգը ոչ միայն ֆիզիկապես, այլ նաև բարոյապես ի վիճակի է իրականացնել կոռուպցիայի դեմ պայքար:
Այսօր ավելի ու ավելի շատ են հնչում տեսակետներ, որ մեր հանրապետության դատավորների զգալի մասը երկար տարիներ սպասարկել է կոռուպցիոն համակարգին:
Այսօր ավելի ու ավելի շատ քաղաքացիներ են խոսում այն մասին, որ Հայաստանում գործող դատավորները հենց իրենք եղել են կոռուպցիոն համակարգի մաս, և այս իմաստով՝ անվստահությունը՝ դատական մարմինների նկատմամբ, շարունակում է խորը մնալ:
Սա նուրբ թեմա է և մենք չպետք է տրվենք դատական իշխանության գործերին միջամտելու գայթակղությանը, բայց այնուամենայնիվ ես ուզում եմ ասել՝ առաջին օրից Բաղրամյան 26-ում հայտնվելով, ես ասել եմ, որ հրաժարվելու եմ դատական իշխանությանը հրահանգներ տալու արատավոր պրակտիկայից, բայց դա չի նշանակում, որ որոշ դատավորներ պետք է շարունակեն հրահանգներ ստանալ նախորդ կոռումպացված իշխանության ներկայացուցիչներից»,- հայտարարեց Փաշինյանը:
Հետևեք մեզ Viber-ում
