Սերժ Սարգսյանը ևս հարցաքննվելու է Մարտի 1-ի գործով . ՀՔԾ պետ
«Մարտի 1-ի քրեական գործի նախաքննության շրջանակներում հարցաքննվելու է նաև Հայաստանի 3-րդ նախագահ Սերժ Սարգսյանը :Հարցաքննվելու են բոլորը, ովքեր առնչություն են ունեցել այս գործին, առանց բացառության, այո, հարցաքննվելու է նաև Սերժ Սարգսյանը», - կառավարության նիստից հետո լրագրողների հետ ճեպազրույցում հայտարարեց ՀՔԾ պետ Սասուն Խաչատրյանը։ Նա տեղեկացրեց, որ քննիչն է որոշում՝ ում, ինչ հարցերի շուրջ և երբ հարցաքննի։ «Դա քննության տակտիկա է և քննիչին պետք է թողել, որ ինքը պլանավորի իր գործողությունները, որպեսզի հարցաքննությունը լինի արդյունավետ։ Հարցաքննությունը ինքնանպատակ չպետք է լինի», - հայտարարեց Խաչատրյանը։
Հետևեք մեզ Viber-ում
