Լավրենտի Միրզոյանը Toyota Camry-ով վթարի է ենթարկվել. ՖՈՏՈՌԵՊՈՐՏԱԺ
![Լավրենտի Միրզոյանը Toyota Camry-ով վթարի է ենթարկվել. ՖՈՏՈՌԵՊՈՐՏԱԺ](/timthumb.php?src=http://hayeli.am/wp-content/uploads/2018/08/լա-3.jpg&w=708)
Երեկ՝ օգոստոսի 12-ին, ավտովթար է տեղի ունեցել Տավուշի մարզում: Ժամը 10:30-ից 11:00-ն ընկած ժամանակահատվածում Բերդ-Նավուր ավտոճանապարհի 2-րդ կմ հատվածում բախվել են Լավրենտի Միրզոյանի վարած Toyota Camry մակնիշի 13 MՍ 333 համարանիշի և Սամվել Հարությունյանի վարած Mitsubishi մակնիշի 35 NO 638 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան: Դեպքի վայր են ժամանաել ճանապարհային ոստիկանության 2-րդ սպայական գումարտակի 4-րդ վաշտի ծառայողները՝ հետաքննիչ Հարություն Մարգարյանի գլխավորությամբ, ում կողմից փաստի առթիվ նյութեր են նախապատրաստվում: Գ. Շամշյանի տեղեկություններով՝ Toyota Camry-ի վարորդ Լ. Միրզոյանը հայտնի մտավորական, Լեզվի պետական տեսչության պետն է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գևորգ Ղազարյանի