Արտակարգ դեպք Լոռու մարզում

SHAMSHYAN.com-ի տեղեկություններով՝ այսօր՝ օգոստոսի 10-ին, արտակարգ դեպք է տեղի ունեցել Լոռու մարզում: Ոստիկանության Թումանյանի բաժին է դիմել Օձուն համայնքի Մղարթ գյուղի բնակիչ, 42-ամյա Մելիք Գրիգորյանը և հայտնել, որ օգոստոսի 9-ին ժամը 20:00-ից մինչև 23:00-ն ընկած ժամանակահատվածում անհայտ անձը կամ անձինք Մղարթ գյուղին հարակից «Ձորաղբյուր» կոչվող հանդամասից գողացել են իր ձին և քուռակը: Ինչպես հայտնում է ֆոտոլրագրող Գագիկ Շամշյանը, մինչ ոստիկանները դեպքի հանգամանքները կպարզեին, ոստիկանությունում տեղեկություն են ստացել, որ Մղարթ գյուղին հարակից «Գադամերի» կոչվող հանդամասում հայտնաբերվել են նշված կենդանիները՝ մորթված վիճակում: Փաստի առթիվ ոստիկանության Թումանյանի բաժնի հետաքննչական բաժանմունքում նյութեր են նախապատրաստվում: Մ. Գրիգորյանը հայտնել է որ ինքը կրել է մոտ 500 հազար դրամի նյութական վնաս: Ոստիկանությունը ձեռնարկում է անհրաժշետ օպերատիվ-հետախուզական միջոցառումներ՝ հանցագործությունը բացահայտելու, կատարողին կամ կատարողներին հայտնաբերելու ուղղությամբ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: