Արդյո՞ք քրեական հոդվածները հիմնավոր են և քննիչները կկարողանա՞ն մինչև վերջ առաջ տանել այդ գործը
«Ժողովուրդ» օրաթերթի տեղեկություններով՝ ՀՔԾ-ում մարտի 1-ի գործը վերաբացելուց և նոր թափով քննություն սկսելուց առաջ քննիչների շրջանում ներքին հարցում է անցկացվել:
«Մասնավորապես՝ քննիչներին են ներկայացվել մարտի 1-ի գործերի նյութերը ծանոթանալու համար, որից հետո հետաքրքրվել են՝ արդյոք նրանք ունե՞ն ներքին համոզմունք, որ 2008թ. կատարվել է հանցագործություն, արդյոք վերագրված հանցագործությունը, քրեական հոդվածները հիմնավո՞ր են և արդյոք քննիչները կկարողանա՞ն մինչև վերջ առաջ տանել այդ գործը: Ու հարցման ենթարկված քննիչները միաձայն դրական պատասխան են տվել:
«Ժողովուրդ» օրաթերթի հետ զրույցում ՀՔԾ պետ Սասուն Խաչատրյանը, պատասխանելով այդ մասին հարցին, ասել է. «Քննիչը ինքնուրույն դատավարական սուբյեկտ է, քննիչն ինքն է որոշում քննության ընթացքը և ինքն է պատասխանատու այդ քննության և արդյունավետության, և օրինականության համար:
Քննիչը, եթե համոզված չլինի իր գործողությունների օրինականության մեջ, ճշմարտացիության մեջ, նա երբեք որևէ գործողություն չի անի»,- գրում է թերթը:
Հոդվածն ամբողջությամբ կարող եք կարդալ «Ժողովուրդ»-ի՝ 10.08.18թ. համարում:
Հետևեք մեզ Viber-ում
