Օգոստոսի 7-ին ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանը «Արմավիր» քրեակատարողական հիմնարկի աշխատակազմին ներկայացրեց հիմնարկի նորանշանակ պետ, արդարադատության փոխգնդապետ Խաչիկ Հարությունյանին:
Ինչպես տեղեկացրին ՀՀ ԱՆ ՔԿԾ հանրային կապերի բաժնից, ծառայության պետը հիմնարկի ղեկավարումը ստանձնելու առիթով շնորհավորեց նորանշանակ պետ Խ. Հարությունյանին ՝ մաղթելով արդյունավետ և ժամանակի պահանջներին համընթաց աշխատանք: Արդարադատության փոխգնդապետ Խ. Հարությունյանը շնորհակալություն հայտնեց իրեն ցուցաբերած վստահության համար և հավաստիացրեց, որ բարեխղճորեն կկատարեն իր և «Արմավիր» քրեակատարողական հիմնարկի անձնակազմի առջև դրված պարտականությունները:
Հիմնարկի պետին պաշտոնապես ներկայացնելուց հետո ծառայության պետ Ա. Մխոյանը շրջայց կատարեց հիմնարկի տարածքում՝ բնակելի գոտում, բուժմասում, խոհանոցում, պատժախցերում, գրադարանում, արհեստագործական և կարճատև տեսակցությունների համար նախատեսված սենյակներում՝ ծանոթանալու ներկա պայմաններին, հրատապ լուծում պահանջող առկա խնդիրներին: Շրջայցի ընթացքում ծառայության պետը զրուցեց նաև դատապարտյալների և կալանավորված անձանց հետ՝ տալով հստակ պարզաբանումներ նրանց հուզող առաջնային հարցերին:
Ամփոփելով աշխատանքային այցը՝ Ա. Մխոյանը «Արմավիր» ՔԿՀ վարչակազմի և աշխատակիցների ուշադրությունը հրավիրեց վերհանված խնդիրների վրա՝ հրահանգելով լինել հետևողական, աշխատել անձնվեր՝ օրենքի տառին համահունչ. «Պետք է հիշենք, որ գործելու ենք բացառապես օրինականության դաշտում: Անհրաժեշտ է, որ մեզնից յուրաքանչյուրը ինքնավերափոխվի, անհատական աշխատանքի և մոտեցումների միջոցով վերափոխի նաև ենթակաների մտածելակերպը, հոգեբանությունը, աշխատաձևը, միայն այս դեպքում մենք կարող են արձանագրել հաջողություններ»:
Քրեակատարողական ծառայության պետ Ա. Մխոյանն առանձնահատուկ շեշտադրեց կոռուպցիայի դեմ մղվող պայքարը. «Կոռուպցիոն դրսևորումներն իսպառ արմատախիլ պետք է արվեն… սա ամենագլոբալ չարիքն է»:
Հուլիսի 3-ին՝ ժամը 14։00-ին, Հայելի ակումբի հյուրն է Հայկ Նահապետյանը
Հուլիսի 3-ին՝ ժամը 12։00-ին, Հայելի ակումբի հյուրն է Դերենիկ Մալխասյանը
Հուլիսի 3-ին՝ ժամը 15։00-ին, Հայելի ակումբի հյուրն է Արեգա Հովսեփյանը
Հուլիսի 3-ին՝ ժամը 13։00-ին, Հայելի ակումբի հյուրն է Մենուա Սողոմոնյանը
Հուլիսի 3-ին՝ ժամը 16։00-ին, Հայելի ակումբի հյուրն է Հարություն Մնացականյանը
Հուլիսի 2-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Հուլիսի 2-ին՝ ժամը 15։00-ին, Հայելի ակումբի հյուրն է Աննա Այվազյանը
Հուլիսի 2-ին՝ ժամը 12։30-ին, Հայելի ակումբի հյուրն է Արամ Գասպարի Սարգսյանը
Հուլիսի 2-ին՝ ժամը 12։00-ին, Հայելի ակումբի հյուրն է Արման Աբովյանը
Հուլիսի 1-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Հետևեք մեզ Viber-ում
