«Նիկոլ Փաշինյանը և ՔՊ-ն գնացին ՀՀՇ-ի ու ՀՀԿ-ի՝ նեղ-կուսակցական ճանապարհով»
Ստեփան Դանիելյանը ֆեյսբուքյան իր էջում գրում է. «Նիկոլ Փաշինյանը և ՔՊ-ն լայն հանրային օրակարգ և հանրային դաշինք ստեղծելու փոխարեն գնացին ՀՀՇ-ի ու ՀՀԿ-ի՝ նեղ-կուսակցական ճանապարհով։ Նրանց համար իշխանությունը պահպանելու փաստորեն միակ տարբերակը հանրությանը դիլեմայի առջև կանգնեցնելն է՝ կամ մենք ենք մնում, կամ գալիս են “հակահեղափոխականները”՝ արդեն Քոչարյանի գլխավորությամբ։ Սա փաստորեն կամ-կամի ճանապարհն է։ Սա ոչ թե ինչ-որ բանի կողմ լինելու վրա է կառուցված, այլ «դեմ» լինելու։ Եթե դեմ եք ՀՀԿ-ին (ԲՀԿ-ին, ՀՅԴ-ին, ․․․), պետք է քվեարկեք ՔՊ-ի համար, այլընտրանք չկա։ Նման դեպքում չի կարող այլ տարբերակ լինել, քան փոխադարձ ատելության մթնոլորտի ստեղծումը։ Երկու կողմերի համար էլ դա միակ տարբերակն է դառնում։ Այն ատելության մթնոլորտը, ինչը հիմա տիրում է, քաղաքական օրակարգի բացակայության հետևանքն է։ Ինչպես պրիմիտիվ հասարակարգերում քաղաքականությունն անձնավորվում է։ Ատելության մթնոլորտը գնալով ավելի է թեժանալու ու գարնանն իր գագաթնակետին է հասնելու»։
Հետևեք մեզ Viber-ում
