«Բա տենց ուժեղ տղա՞ եք, իրանց բան ասեք». Դավիթ Պետրոսյան
«ԵՊՀ ռեստարտ» նախաձեռնության անդամ Դավիթ Պետրոսյանը «Ֆեյսբուք»-ում գրել է. Կարծում եմ, որ մենք երևի հարցերին մի փոքր լայն ու մյուս կողմից էլ պիտի նայենք: Մեզ հռչակում ենք ավանդական, արժեքներով ապրող ազգ, բայց ի՞նչ ունենք: Սեղանի մոտ զինվորի կենաց են խմում, թուրքախառը հայհոյում, բայց տղերքին ամեն ձև բանակից ազատում ու ասում՝ մեկը բան ասի քարով տու գլուխը բացի: Խոսում ենք ավանդապաշտ ընտանիքներից, աղջիկ-տղա կարևոր հարաբերություններից, բայց Հայաստանում գերակա է «լևի» գնալու ինստիտուտը: Տղերքի մի մասը աղջիկ ա «կպցնում», հետո էլ լավ քրերի լավ ախպերների մոտ գլուխ գովում: Ազգի մի մասը գողական ա գնում, բայց պարզվում ա գողերի կեսը հանրապետականների քրերն էին, էն կեսն էլ ոստիկան: Ազատ, իրավական պետություն ենք ուզում, 10 000 դրամով գնում ձեն ծախելու: Ինչ-որ լկտի մարդկանց «մեր թաղում» պատժում ենք, բայց էդ նույն բակում մի քիչ պաշտոն ունեցող «քֆուրբերան»-ին քծնում: Բա տենց ուժեղ տղա՞ եք, իրանց բան ասեք: Եվրոպային, Ամերիկային ինչ ասես ասում ենք, բայց վիզայի հերթը, որ պրծնի, երկրում կարող ա մարդ չմնա: Ու սենց շարունակ: Ամեն ոլորտին կարելի ա ավելի մանրամասն անդրադառնալ: Իսկ վերևինի մասին կարելի ա ուղղակի մտածել:
Հետևեք մեզ Viber-ում
