Նոր սպառնալիքներ Ալիևից՝ Հայաստանին ու Արցախին

Ադրբեջանի նախագահ Իլհամ Ալիևը հերթական անգամ սպառնացել է Արցախի հիմնահարցում դիմել բանակի օգնությանը: Ըստ interfax.az-ի, Ալիևը հերթական անգամ պնդել է իր այն թեզը, որ Հայաստանում նախկին իշխանությունների տապալման գործում մեծ դերակատարություն է ունեցել Ադրբեջանի վարած քաղաքականությունը, քանի օր ապրիլյան քառօրյա բախումները «հարված հասցրին նրանց փտած հենասյուներին»: Ընդ որում, Ալիևը սպառնացել է շարունակել այդ քաղաքականությունը: «Ադրբեջանի և Հայաստանի միջև մեծ անդունդ կա տնտեսական առումով: Ընթացիկ տարվա հունիսին տեղի ունեցած ռազմական շքերթը ցույց տվեց՝ ով ինչի է ընդունակ: Մենք օգտվում ենք, և հետո էլ կօգտվենք այդ հնարավորություններից»,- ասել է Ալիևը:՝ Ինչ վերաբերում է հակամարտության խաղաղ կարգավորմանը Ալիևն ասել է, թե կասկածում է, որ Հայաստանի նոր իշխանությունները պատրաստվում են աշխատել ԼՂ-ի հակամարտության կարգավորման շուրջ. «Հայաստանի նոր իշխանությունները չպետք է թույլ տան նախորդ խունտայի սխալները ԼՂ- կարգավորման հարցում: Սակայն Հայաստանի նոր իշխանությունները հանդես են գալիս հակասական հայտարարություններով, որոնք դժվար է հասկանալ ինչպես մեզ, այնպես էլ միջազգային կազմակերպություններին»,- ասել է Ալիևը: Նա նաև նշել է, որ Ադրբեջանի համար անընդունելի է բանակցություններում որպես կողմ տեսնել Ղարաբաղը: Ալիևի խոսքով՝ Հայաստանի նոր իշխանությունների հայտարարությունները՝ «հարված են հասցնում հակամարտության խաղաղ կարգավորմանը», «ամբողջ պատասխանատվությունն ընկնում է Հայաստանի իշխանությունների վրա»: «Մենք խաղաղություն ենք ցանկանում: Մեզ մոտ առայժմ տպավորություն է ձևավորվում, որ Հայաստանի իշխանությունները ցանկանում են շարունակել ադրբեջանական հողերի օկուպացումը: Մեր միջև խաղաղություն կարող է տիրել միայն օկուպացված տարածքների ազատագրմամբ: Եթե Հայաստանը խաղաղություն է ցանկանում, ապա հայ զինվորը պետք է լքի ադրբեջանական տարածքները»,- ասել է նա: «Հակամարտությունը պետք է լուծվի հնարավորինս արագ և փուլ առ փուլ: Մենք և միջազգային հանրությունը դա ենք պահանջում: Եթե Հայաստանի իշխանությունները շարունակեն օկուպացման քաղաքականությունը, ապա մենք կշարունակենք Հայաստանը մեկուսացումը, կշարունակենք կործանել նրանց»,- սպառնացել է Ալիևը: Արցախյան հակամարտության հարցով ՀՀ-ի Ադրբեջանի արտգործնախարարների առաջիկա հանդիպման մասին հստակ պայմանավորվածություն դեռ չկա, օրերս լրագրողների հետ ճեպազրույցում ասաց ՀՀ ԱԳՆ մամուլի խոսնակ Տիգրան Բալայանը: «Վերջնական պայմանավորվածություն չկա, թե Բրյուսելում արտգործնախարարների առաջին հանդիպմանը նման հարց քննարկվել է»,-նշեց նա: Ինչ վերաբերում է Ադրբեջանի նախագահ Իլհամ Ալիևի ՀՀ վարչապետ Նիկոլ Փաշինյանի հնարավոր հանդիպմանը, Տիգրան Բալայանը ասել էր . «Նիկոլ Փաշինյանը վերահաստատել է պատրաստակամությունը, սակայն այդ հանդիպման մասին պայմանավորվածություն այս պահին չկա»: Սակայն ԱԳՆ խոսնակն ուշագրավ դիտարկում էր արել, թե՝ այդ հանդիպումն ինքնանպատակ չի կարող լինել. «Այն բովանդակային պետք է լինի՝ Վիեննայի Սանկտ-Պետերբուրգի պայմանավորվածությունների վերահաստատման համատեքստում: Դա հնարավորություն կտա ապահովել այնպիսի պայմաններ, որպեսզի խաղաղության հաստատման գործընթացում առաջընթաց արձանագրվի»: Այսպես, Երևանը հաստատում է, որ ԵԱՀԿ Մինսկի խմբի համանախագահների առաջարկը, սակայն նա հավելում, որ պայմանավորվածություն դեռ չկա: Հայաստանը, սակայն կար որ շեշտադրում է անում՝ Վիեննայի, Սանկտ Պետերբուրգի Ժնևի գագաթաժողովներում ձեռք բերված պայմանավորվածությունների կատարումը: Այս պայմանավորվածությունների վրա հիմնվելով Երևանը ցույց է տալիս, թե որ դեպքում կողմերը կարող են առաջ շարժվել խնդրի կարգավորման ուղղությամբ: Բայց ուշագրավ է, որ Բաքվից էլ պնդում են, թե Հայաստանի ու Ադրբեջանի ԱԳ նախարարների հանդիպումը համաձայնեցված է: Բաքուն և Երևանը համաձայնել են երկու երկրների արտգործնախարարների հանդիպումը անցկացնել ՄԱԿ-ի Գլխավոր ասամբլեայի շրջանակներում, Նյու Յորքում, հայտարարել է Ադրբեջանի արտգործնախարարության մամուլի խոսնակը: Հիշեցնենք, որ ՄԱԿ-ի Գլխավոր ասամբլեայի հերթական նստաշրջանը մեկնարկում է սեպտեմբերին: Զոհրաբ Մնացականյանի և Էլմար Մամեդյարովի առաջին հանդիպումը կայացել է հուլիսի 11-ին, Բրյուսելում: Ի դեպ, ՀՀ ԱԳ նախարարն, արդեն իսկ այս հանդիպումից մեկ ամիս առաջ հստակեցրել է դիրքորոշումը: Հայաստանի արտգործնախարար Զոհրաբ Մնացականյանը Իտալիայի արտգործնախարար Էնցո Միլանեզիի հետ հանդիպմանը վերահաստատել է Հայաստանի հանձնառությունը ԵԱՀԿ Մինսկի խմբի համանախագահության ձևաչափում ղարաբաղյան հակամարտության բացառապես խաղաղ կարգավորմանը՝ ընդգծելով, որ հայկական կողմի համար բանակցային գործընթացում առաջնայնություններն են Արցախի կարգավիճակը և անվտանգությունը: Մնացականյանի խոսքով՝ Ադրբեջանի կողմից շարունակաբար հնչող ռազմական հռետորաբանությունը և հայատյացության սերմանումն ուղղված են խաղաղության հաստատման ուղղությամբ ջանքերի տապալմանը։ Թամար Բագրատունի