ՀՀ պաշտոնաթող նախագահի գրասենյակի գործունեության ֆինանսավորման կարգը հաստատվեց
Կառավարությունը հաստատել է պաշտոնաթող Հանրապետության նախագահի գրասենյակի գործունեության ֆինանսավորման կարգը: Նախագծում նշվում է. «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքով պաշտոնաթող Հանրապետության նախագահներին ըստ իրենց ցանկության տրամադրվում են կահավորված գրասենյակ, ինչպես նաև գրասենյակի գործունեության ապահովման համար տրամադրվում է մինչև երեք հաստիքային միավոր։ Ներկայումս Հանրապետության առաջին և երկրորդ նախագահների գրասենյակների պահպանման ծախսերի ֆինանսավորումը իրականացվում են ՀՀ պետական բյուջեի միջոցների հաշվին, սակայն գոյություն չունի դրանց ֆինասավորման միասնական կարգ։ Այսինքն այդ գրասենյակների ֆինասավորման գործունեությունը կանոնակարգված չէ: Որոշման նախագծով նախատեսվում է սահմանել ՀՀ պետական բյուջեից պաշտոնաթող Հանրապետության նախագահի գրասենյակի գործունեության ֆինանսավորման իրականացման կարգը։ Մասնավորապես կարգով սահմանվում են՝ 1. պաշտոնաթող նախագահի գրասենյակի գործունեության իրականացման համար ֆինանսական միջոցներ տրամադման ուղղությունները, 2. գրասենյակի գործունեության ֆինասավորման աղբյուրը, 3. գրասենյակի աշխատողների վարձատրության չափը, 4. գրասենյքակի համար վարձատրվող տարածքի տարեկան գումարի չափը»:
Հետևեք մեզ Viber-ում
