Կառավարության նիստ. ուղիղ

11:03 - 2/օգոստոսի/2018

Վարչապետ Նիկոլ Փաշինյանի գլխավորած կառավարությունն այսօր՝ օգոստոսի 2-ին, նիստ է անցկացնում: Նիստի օրակարգում ընդգրկված է 29 հարց, որից 26-ը՝ չզեկուցվող: Օրակարգում է մասնավորապես, Պաշտոնաթող Հանրապետության նախագահի գրասենյակի գործունեության ֆինանսավորման կարգը հաստատելու մասին, ՀՀ-ում 2018/2019 ուսումնական տարվա՝ պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար), առկա ուսուցմամբ ինտերնատուրայի և կլինիկական օրդինատուրայի ընդունելության տեղերը հաստատելու մասին հարցերը:

Կառավարությունը այսօրվա իր նիստում ներդրումային ծրագրի շրջանակներում արտոնություններ կտա «ՀԵԼԼՈ» ՍՊԸ-ին եւ «ԼԵՆՏԵՔՍ» ՍՊԸ-ին: Այս ընկերություններչը եւս երեք տարով կօգտվեն ավելացված արժեքի հարկի գումարների վճարման ժամկետի հետաձգման հնարավորությունից:

Օրակարգում է նաեւ Արմավիր եւ Էջմիածին քաղաքներում քաղաքապետի արտահերթ ընտրություն նշանակելու, անցկացնելու որոշումների մեջ փոփոխություններ կատարելու հարցը: Օրակարգում է նաև Արդարադատությանը պահուստային ֆոնդից գումար հատկացնելու հարցը, որի նպատակը Մարդու իրավունքների եվրոպական դատարանի «Կարեն Պողոսյանն ընդդեմ Հայաստանի» գործով վճռի կատարումն է: Մ«ԻԵԴ-ը որոշել է, որ Հայաստանը դիմումատուին պարտավոր է վճիռն օրինական ուժի մեջ մտնելուց հետո երեք ամսվա ընթացքում վճարել 2,410 եվրոյին համարժեք դրամ՝ վճռով սահմանված արդարացի հատուցման համար: Վերջնաժամկետը սեպտեմբերի 29-ն է: