Քոչարյանին ավելի համոզիչ կլիներ մեղադրել Քենեդիի սպանության մեջ.Արամ Հարությունյան
«Այսօր շատերը մոռացել են, թե Լևոն Տեր-Պետրոսյանի իշխանավարության տարիներին ինչեր են տեղի ունեցել։
Քոչարյանի կալանավորումը քաղաքական պատվեր է:
Ինչպես Սերժ Սարգսյանն էր վախենում Քոչարյանից, այնպես էլ հիմա՝ նոր իշխանությունները։ Պատահական չէ, որ Մարտի մեկի այդ լսումների հարցը բարձրացվեց ամիսներ առաջ․․․ Մենք բոլորս ոգևորված ենք հեղափոխությամբ, ինքս ինձ էլ համարում եմ դրա մասնակիցը, թեև գոլ խփողը հիշվեց, ոչ թե պաս տվողները», - Հայելի ակումբում լրագրողների հետ հանդիպմանն ասաց «Ազգային համաձայնություն» կուսակցության նախագահ Արամ Հարությունյանը:
«Քոչարյանին ավելի համոզիչ կլիներ մեղադրել Քենեդիի սպանության մեջ, քան սահմանադրական կարգը տապալելու մեջ։
Նա այդ ժամանակ երկրի նախագահ է եղել, ինչի՞ մասին են խոսում, ինչե՞ր են ասում։
Ձայնագրությունները կան․ Տեր-Պետրոսյանն, իմանալով, որ տասը զոհ կա, ասում է՝ երբեք այսքան երջանիկ չեմ եղել, ինչպես հիմա, Ալի՛կ ջան։ Նա դիմում էր Ալիկ Արզումանյանին։ Այդ ձայնագրությունները կան։ Արամ Սարգսյանն էլ հիմա հայտարարում է՝ Աստված կա, որ Քոչարյանին կալանավորել են։ Ռոբերտ Քոչարյանի մամուլին բանի տեղ չդրեց։ Հիմա էլ ստեղծվել է այսպիսի իրավիճակ։ Այս իշխանությանը չի հաջողվի ապացուցել Քոչարյանի մեղավորությունը:Այսօր մեր երկրում մասնակի անհատի պաշտամունք կա», - հայտարարեց Արամ Հարությունյանը։
«Որևէ երկիր ՆԱՏՕ-ի գլխավոր քարտուղարի հետ այսպես չէր վարվի, Խաչատուրովի հետ այսպես չէր վարվի։ Ես հայամետ եմ։ Մեր խնդիրը պիտի մեր երկրի ներսում լուծենք։ Իսկ ինչ վերաբերում է Քոչարյանի ձեռբակալությանը, սա միայն ու միայն քաղաքական ձերբակալություն է։ Եթե ուզունային զոհերի բացահայտման հարցերը բացահայտել, պետք էր ներքևից սկսել։ Այսօր ո՞ւր է Վանո Սիրադեղյանը։ Նա փախած է։ Իսկ Քոչայանը եկավ, ասաց՝ ես կնստեմ։ Փաշինյանն արմատներով ՀՀՇ-ական չէ, բայց հիշում է 96-ի դեպքերը։ Նրա վրա մեծ է Տեր-Պետրոսյանի ազդեցությունը։ Չմոռանանք, որ այս ամենը տեղի ունեցավ Տեր-Պետրոսյանի հետ հանդիպումից հետո», - ասաց Արամ Հարությունյանը։
Նա նշեց՝ ցավում է բոլոր զոհերի հարազատների համար․ նրանց չի՛ կարելի շոու ցույց տալ։
«Դուք բացահայտում չեք անում, կոծկում եք», - հայտարարեց Արամ Հարությունյանը։
Հետևեք մեզ Viber-ում
