Սև ծովի վրացական ափին 2 մարդ է խեղդվել

Սև ծովի Փոթիի հատվածում երկու մարդ է խեղդվել: Առկա տեղեկատվությամբ, մահացածները նույն ընտանիքի անդամներ են, հանգստանալու նպատակով Փոթի էին մեկնել Թբիլիսիից: Հաղորդում է aliq.ge-ն։ Փրկարարներին չի հաջողվել նրանց կյանքը փրկել: Դիակներն արդեն փորձաքննության են ենթարկվել: «Տղամարդը ձեռքից բաց է թողել փրկարարական օղակը, իսկ կնոջ ոտքերի տակ հողը շարժվել է, նրա սիրտն անմիջապես դադարել է աշխատել: Չնայած բազմաթիվ զգուշացումներին, որ ծովում փոթորկի ընթացքում լողալն արգելվում է, նրանք ծով են մտել»,-լրագրողների հետ զրույցում ասել է փրկարար Ամիրան Նանավան: Ներքին գործեր նախարարությունից հայտնում են, որ հետաքննություն է սկսվել քրեական օրենսգրքի 115-րդ հոդվածի հատկանիշներով (ինքնասպանության հասցնել):