Հարցս այդպես էլ մնաց օդում կախված, կիսատ թողնելով խոսքս՝ հեռացա. Արմեն Մովսիսյանը՝ Սփյուռքի նախարարի հետ հանդիպման մասին
Երգիչ-երգահան Արմեն Մովսիսյանն իր ֆեյսբուքյան էջում գրել է. «Սփյուռքի նախարարի հետ հանդիպման էի գնացել: Այն, որ հանդիպման ֆորմատը այն չէր, կարելի էր ենթադրել: Շատ բազմաշերտ է սփյուռքը: Մինչև վերջ չմնացի, հարցս էլ, կամ, ավելի շուտ, ուղղորդումս, որ սփյուռքի հետ հանդիպումը առաջնային պիտի ծառայի բոլորիս անհանգստացնող սահմանային, մեղմ ասած, ոչ հանգիստ վիճակի լարման դեպքում սփյուռքից եկող միջոցների նպատակային կոորդինացման համար շատ կոնկրետ վստահելի կառույցով կազմակերպելը, այդպես էլ մնաց օդում կախված: Չհասցրեցի, չթողեցին սփյուռքին ավելի «հուզող», արդիական հարցերի ծափ, հեղափոխական խանդավառության, ու բողոքների մեջ ձևակերպել: Այդպես էլ կիսատ թողնելով խոսքս հեռացա՝ մնալով մեր 20 $-ի չհասկացված գաղափարին ու 2016 աննապատակային ուղարկված ու իրականում չկոորդինացված միջոցների փոշիացմամբ դառը հիշողություններով: Իսկ դա, կարծես թե, նույնիսկ չփնտրված ու չառաջարկված կարևոր համակարգման խնդիր է: Ինչ ասեմ, գրեմ բաց տեքստով, քանի դեր սփյուռքի նախարարն ամերիկյան ամենամեծ գաղթօջախում է, գուցե պետք գա, հաշվի առնվի....Խաղաղ երկինք մեր հայրենիքին, զինվորս էլ անփորձանք»:
Հետևեք մեզ Viber-ում
