«Դուք Բագիրովին այդ քայլով չեք հաղթում, տղերք, դուք արդեն պարտվում եք, դուք արդեն մսխում եք մեր հերոսների հաղթանակը». Ստյոպա Սաֆարյան

ՀՀ քաղաքական գործիչ, քաղաքագետ Ստյոպա Սաֆարյանը ֆեյսբուքյան իր էջում գրում է. «Ուզում եմ հասկանալ, թե ով և ինչով է մտածել Աղդամից Բագիրովի հուշաքարը հանելիս, Ստեփանակերտ բերելիս, զանգվածային թամաշայով ու հոլիվուդ փիքչերս պրեսդտավլյայետ նկարահանմամբ ջարդուփշուր անելիս... Ու անողը գիտակցո՞ւմ է, որ մենք հարյուր ու մի ֆորումում, հավաքում լսելու ենք այդ բարբաջանքը, որ միայն ադրբեջանցինեը չեն սրբությունները (ինչպես Նախիջևանում ու այլուր) պղծում, հայերն էլ են անում... Ու թե մեր, թե պաշտոնյաների աչքերն են մտցնելու տեսանյութը... Ու վերջինը, Բագիրովին արդեն 1993թ. իր երկրում հերոսի կոչում են տվել: Ու դուք նրան այդ քայլով չեք հաղթում, տղերք, դուք արդեն պարտվում եք, դուք արդեն մսխում եք մեր հերոսների հաղթանակը: Ու փոխանակ մենք այդ պատերազմի ամենավեհ, ամենամարդասիրական ասպեկտները, այդ թվում մեր ժողողվրդին փրկելը, իրենց փախստականներին հումանիստորեն ճանապարհելը դարձնենք մեր այցեքարտն ու մեր բարոյականություն, մխտռում, հարամում ենք ամեն ինչ... Մեր տղերքը կռվել են ապրելու, ապրեցնելու, այլ ոչ թե սպանելու համար: Ու չգիտեմ ինչի, բայց թվում է, որ հանգուցյալի հոգին վերևից անողների վրա նույնիսկ ղժժում է, որ անգամ մահացած լինելով, անգամ գերեզմանում այս անգամ էլ իր աճյունի արդեն հող դարձած մասունքներով մի հզոր խաղաքարտ տվեց իր երկրին: Տեսանյութը, որը պտտեցվում է ադրբեջանական սոցիալական ու լրատվական հարթակներում, հատուկ չեմ տեղադրելու»: