Դուք չգիտեք, բայց ՀՔԾ-ն Քոչարյանին հետախուզում էր հայտարարել. Քոչարյանի փաստաբան (video)
«Եթե մեղադրում ես, ապա մեղադրիր օրենքի շրջանակներում, եթե մարդուն ուզում ես կալանավորել, ապա բարի եղիր՝ օրենքի տառին համապատասխան կազմակերպիր քո գործողությունները: Դա եղել է և՛ Լևոն Տեր-Պետրոսյանի օրոք, և՛ Ռոբերտ Քոչարյանի օրոք, և՛ Սերժ Սարգսյանի օրոք, եղավ նաև թավշյա հեղափոխությանից հետո:Թավշյա հեղափոխութունից հետո, ես հույս ունեի, որ հեշտ կլինի աշխատել, այսօր փարատվել են իմ հույսերը: Նման հույս չի կարող լինել առաջիկայում, եթե պարոն վարչապետը ձեռքը չխփի սեղանին և ասի՝ էս ի՞նչ եք անում:Ես եկել եմ, որ մարդիկ հավատան ինձ, իսկ դուք, ինչպես հաճախ մամուլում և ֆեյսբուքում են գրում, դանա՞կ եք խրում իմ թիկունքից, ինչո՞ւ եք ապօրինություն անում»,- լրագրողների հետ հանդիպմանն ասել է ՀՀ երկրորդ նախագահ Ռոբերտ Քոչարյանի փաստաբան Ռուբեն Սահակյանը : Ռուբեն Սահակյանը հայտարարել է, որ այն ինչ կատարվեց պատվեր է: «Ո՞ւմ կողմից է պատվերը, բնական է, ես չեմ կարող ասել, ենթադրել կարող եմ, բարձրաձայնել՝ ոչ: Ես կարծում եմ, որ մեղավորները գտնվում են Գլխավոր դատախազությունում, ՀՔԾ-ում»,- ասել է փաստաբանը:
Հետևեք մեզ Viber-ում
