Վենդետա է. Վիկտոր Սողոմոնյան
«Ռոբերտ Քոչարյանին առաջադրված և մեղադրանքը և նրա կալանավորումը բացարձակ ապօրինի են, սա ակնհայտ քաղաքական և անձնական հետապնդում է: Եվ սա այն է, ինչը վերջերս մոդայիկ դարձած բառով կոչվում է վենդետա: Սա անձնական ու քաղաքական հաշվեհարդար է, որը որևէ իրավական հիմնավորում չունի: Բոլորդ հասկանում եք, թե ինչ է տեղի ունեցել, ինչու է հենց մեղավոր նշանակվել Ռոբերտ Քոչարյանը, ինչ արագությամբ տեղի ուենցավ այս գործընթացը, որը որևէ կապ չունի Մարտի 1-ի 10 զոհերի գործի բացահայտման հետ»,- ասուլիսում ասաց Քոչարյանի գրասենյակի ղեկավար Վիկտոր Սողոմոնյանը: «Իշխանությունների հայտարարություններն ու գործողությունները տրամագծորեն տարբերվում են միմյանցից:ՀՔԾ վերաբերմունքը՝ Քոչարյանին ներգրավել որպես վկա, հետո արագ մեղադրանք առաջադրել, հետո արագ կալանավորել, ինձ թվում է՝ այս երևույթները խոսուն են, նույնիսկ մեկնաբանությունների կարիք չունեն: Քրեական գործը, որը սարքվել է նրա դեմ, ապօրինի է, կապ չունի ՀՀ օրենքների հետ, ոտնահարում է ՀՀ Սահմանադրությունը: Մենք պահանջում ենք և պահանջելու ենք անհապաղ ազատ արձակել նրան, փոխել խափանման միջոցը, բողոքարկելու ենք»,- ասաց Սողոմոնյանը:
Հետևեք մեզ Viber-ում
