Խաչատուրովն անձեռնմխելի չէ

ՀԱՊԿ գլխավոր քարտուղար Յուրի Խաչատուրովն անձեռնմխելի է ընդունող երկրի տարածքում, ուղարկող երկրի համար նա անձեռնմխելի չէ, այս դեպքում ուղարկող երկիրը Հայաստանն է: Խաչատուրովի դիվանագիտական անձեռնամխելիության մասին Վիեննայի միջազգայնագրի համապատասխան հոդվածը՝ վերը նշված բովանդակությամբ,  իր ֆեյսբուքյան էջում մեջբերել է Արա Պապյանը. «Ըստ Դիվանագիտական հարաբերությունների մասին Վիեննայի միջազգայնագրի (1961) 31-րդ հոդվածի 4-րդ կետի, դիվանագիտական գործակալը օգտվում է անձեռնամելիությունից միայն ընդունող երկրի տարածքում: Նա անձեռնամխելի չէ ուղարկող երկրի համար: Տվյալ դեպքում ուղարկող երկիրը Հայաստանն է: Vienna Convention on Diplomatic Relations 1961 Article 31 4.The immunity of a diplomatic agent from the jurisdiction of the receiving State does not exempt him from the jurisdiction of the sending State», - ասված է մեջբերման տեքստում: Յուրի Խաչատուրովին մեղադրանք է առաջադրվել Մարտի 1-ի գործով, նրան կալանավորելու համար նախաքննական մարմնին միջնորդությունէ ներկայացվել: