Քաղաքական կուսակցություններում պետք է լինեն կին-լիդերներ. քննարկում ԸՕ-ի շուրջ (video)
ԱԺ-ում շարունակվում են ՀՀ ընտրական օրենսդրության բարեփոխումների նպատակով ստեղծված խորհրդարանական աշխատանքային խմբի նիստերը: Քննարկման ժամանակ բարձրացվեց կանանց քվոտաների հարցը: ԱԺ «Ելք» խմբակցության պատգամավոր Լենա Նազարյանի կարծիքով պետք է հաշվի առնել մեր իրականությունը և գիտակցենք, որ կանանց համար շատ դժվար է մասնակցել բոլոր պրոցեսներին՝ քարոզարշավ, ընտրություններ և այլն, որովհետև այդ ամբողջ գործընթացը պահանջում է մեծ ռեսուրս: «Այս հանգամանքները հաշվի առնելով՝ կարծում եմ՝ կանայք քիչ են, և կուսակցությունները պետք է ջանք գործադրեն, որ կանանց ներգրավելու միջոց գտնեն: Ամեն դեպքում իրավիճակը փոխվել է այնպես, որ, եթե նախկինում կանայք մտավախություն ունեին, որ տարածքային ցուցակներով նրանք չեն կարողանալու քվե ստանալ, հիմա համամասնական ցուցակում լինելով՝ կարծում եմ, շատ ավելիի պատրաստ կլինեն: Ես կողմ եմ, որ լինի 60-40 հարաբերակցությունը, սա իմ անձնական տեսակետն է»: «Ծառուկյան դաշինք» խմբակցության պատգամավոր Նաիրա Զոհրաբյանն էլ կարևորեց, որպեսզի քաղաքական ուժերը կարողանան պատրաստել կին-լիդերների: Մանրամասները՝ տեսանյութում.
Հետևեք մեզ Viber-ում
