Ինչ գործընթացում է Արագաչափից ներքնազգեստ կախելու դեպքով Անուշ Լալայանի վերաբերյալ վարչական վարույթը

«Մերժիր Սերժին» և «Իմ քայլը» քաղաքացիական նախաձեռնությունների անդամ, օրեր առաջ Սփյուռքի նախարարի օգնական նշանակված Անուշ Լալայանի վերաբերյալ «թավշյա հեղափոխության» օրերին հարուցված վարչական վարույթը կարճվել է: Այս մասին «Հետքը» տեղեկացավ Ճանապարհային ոստիկանությունից: Վարույթը կարճված է եղել մինչև Լալայանի`նախարարությունում պաշտոն ստանալը: Հիշեցնենք, որ հեղափոխության օրերին բողոքի ակցիայի շրջանակներում Անուշ Լալայանը Մաշտոցի պողոտայում տեղակայված արագաչափ սարքերից մեկից վարտիք էր կախել: «Հետք»-ի հետ զրույցում Լալայանը մեկնաբանել էր, որ խորհրդանշական «նվերն» արագաչափից ի նշան արդեն նախկին վարչապետ Սերժ Սարգսանի և իր թիմակիցների դեմ բողոքի է կախել: «Սերժ Սարգսյանը և իր կլանն այդ ամբողջ տարիների ընթացքում կեղեքում ու թալանում են ժողովրդին, ու մարդկանց թողել են միայն մի վարտիքով: Ես էլ հանեցի վերջին վարտիքն ու տվեցի նրանց, որ ուղղակի գնան»,- ասել է Անուշ Լալայանը: Մանրամասն՝ սկզբնաղբյուր կայքում: