Փոխվարչապետ Տիգրան Ավինյանի աշխատակազմն ընդդեմ ազատ մամուլի

Լրագրող Տիրայր Մուրադյանն իր ֆեյսբուքյան էջում գրում է, որ մոտ 1 ամիս առաջ, տեսնելով մամուլում փոխավարչապետ Ավինյանի խորհրդական Գեորգի Մուրադյանի վերաբերյալ հրապարակումը (թմրանյութի մաքսանենգություն), որոշել է հետաքննել և հնարավորինս պարզել, թե ինչն ինչպես է եղել: «2007 թվականին տեղի ունեցած իրադարձությունից գլուխ հանելու համար դիմեցի Դատական դեպարտամենտին, Երևանի դատարանին, վերաքննիչ քրեական դատարանին և կարողացա դատարանների արխիվներից ձեռք բերել Գեորգի Էդուարդի Մուրադյանի վերաբերյալ որոշումներն ու վճիռները: Նյութերն ուսումնասիրելուց հետո դիմեցի Գեորգի Մուրադյանին՝ խնդրելով հարցազրույց տալ: Նախապես համաձայնվեց, սակայն հարցազրույցից ժամեր առաջ բազմակողմանի նյութ ուննալու երաշխիքներ ուզեց Դանիել Իոաննիսյանից: Հարցազրույցը կայացավ՝ մոտ 30-35 րոպե: Այս ժամանակ հաստատվեց իմ այն տեղեկությունը, որ Գ.Մուրադյանը տարիներ շարունակ հաշվառված է եղել նարկոդիսպանսերում, ինձ հաջողվեց իրենց մանրամասներ իմանալ: Նյութը գրելու փուլում իմացա, որ Ավինյանի աշխատակազմից Դանիելի հետ պայմանավորվածության արդյունքում որոշվել է նյութը կարդան մինչև հրապարակելը, հայտնեն իրենց առարկությունները, որից հետո նյութը հավանաբար պետք է «միասին» գրվեր: Ես դեմ եմ եղել իսկզբանե, հետո իրավիճակը չսրելու համար համաձայնվել եմ՝ պնդելով, որ նյութը պետք է կարդա բացառապես Գեորգի Մուրադյանը, այն էլ միայն իր հարցազրույցի մասը(քանի որ մարդ է՝ կարող է մի նախադասություն սխալ ասած լինի): Նյութը մինչև վերջնական տեսքի գալը էական փոփոխությունների է ենթարկվել, կրճատվել է իմ համար կարևոր հատվածներ(թե ինչպես են, օրինակ, Մուրադյանի հետ ամբաստանյալի աթոռին հայտնվածները խաղուպար վճիռներ ստացել դատարանից և այլն): Նյութը երեկ sut.am կայքում հրապարակվելուց հետո անեցել էր մոտ 6 ժամ, և իմ սովորույթի համաձայն, ցանկացել եմ այն նորից կարդալ, բայց պազվել է, որ նյութը գոյություն չունի: Թե ինչու է այսպիսի իրավիճակ ստեղծվել Իմ կարծիքով՝ փոխվարչապետի աշխատակազմում օգտվելով այն հանգամանքից, որ Դանիել Իոսնիսյանը Ընտրական բարեփոխումների հանձնաժողովի քարտուղարն է, նրան նկատմամբ, ընթադրում եմ, ճնշում, չեմ բացառում նաև՝ շանտաժ և կամ նմանօրինակ այլ գործողություններ են կատարել: Նման ենթադրության համար ինձ համար հիմք է այն, որ նյութը հեռացվել է առանց իմ հետ քննարկելու, իսկ նախկինում նույնիսկ նյութերիս նկարը փոխելը իմ հետ համաձայնեցվում էր: Ու սա այն դեպքում, երբ ջնջված նյութը հրապարակվելուց առաջ խմբագրությունում շատ անգամներ է կարդացվել և քննարկվել: Եվ եթե տպելու ենթա չէր այն, ապա իսկզբանե պետք է չտպվեր: Կարծում են՝ Դանիել Իոանիսյան ու Ավինյանի աշխատակազմը կպարզաբանի, թե իրենց մոտից ով, որտեղ և քանի անգամ է դիմել Դանիել Իոանիսյանին այս նյութի հարցով, քանի անգամ են այս նյութի վերաբերյալ հեռախոսազրույցներ ունեցել: Դիմում եմ լրագրողական բոլոր կազմակերպություններին՝ 1. խնդրելով աչքաթող չանել այս միջադեպը, քանի որ բացառիկ են այն դեպքերը, երբ լրագրողը հրապարակային, փաստարկված խոսում է մի արատավոր երևույթի մասին, որը միշտ եղել է նախորդ իշխանության ժամանակ բազմաթիվ խմբագրություններում 2. նոր կառավարության անդամների նկատմամբ հանրության ստեղծված դրական աուրայի շղարշի տակ չպետք է լրագրողական նյութերը գրաքննվեն և այդ հարցում ես ձեր աջակցության կարիքն ունեմ: Դիմում եմ նաև վարչապետ Նիկոլ Փաշինյանը, Վստահ եմ՝ պարոն Փաշինյան, որ ձեր լրագրողական գործունեության ընթացքում երբեք չեք հանդուրժել իշխանությունների կողմից լրագրողական աշխատանքի միջամտության դեպքերը: (Հիշում եմ՝ թե ինչպես ԱԺ դահլիժում Նաիրա Զոհրաբյանին հանդիմանեցիք, որ նա այլևս ՀԺ-ի լրագրող չէ և չունի խոսքի կատարյալ ազատություն այն բանի համար, որ նա զանգահարել էր խմբագրություն և խնդրել «բամփել» բառը հանեին իր ելույթից, քանի որ ինչպես դուք նշեցիք այդ ժամանակ՝ Հովիկ Արգամիչը ջղայինացել էր): Հույս ունեմ, որ այս միջադեպը պատշաճ քննության կարժանանա և հետևաբար՝ պատշաճ գնահատականի: Ինչ վերաբերվում է նյութի բովանդակությանը, լիահույս եմ, որ այն իր սզկբանական տեսքով առաջիկայում կտպագրվի մեկ այլ լրատվամիջոցում և շահագրգիռ անձանց հետո սիրով կքննարկեմ նյութի ամեն մի դետալ: Հ.Գ. Դիմում եմ նաև բոլոր այն անձանց, որոնք այս պատմությունից գայթակղված արդեն մտածել են ինչպես ցեխը մտցնեն կառավարության ողջ կազմին: Այդ մարդկանց հորդորում եմ, որ այս խնդիրը չշահարկել այլ հարթությունում, քանի որ այստեղ խնդիրը բացառապես վերաբերվում է լրագրողական գործունեությանը»,- գրում է նա: