Որեւէ կերպ դրված չէ նպատակ՝ անել քաղաքական հետապնդումներ եւ օգտագործել կոռուպցիայի դեմ պայքարը քաղաքական նպատակներով. մենք մեղավոր չենք, որ բացահայտումների երեւի 99 տոկոսը վերաբերվում են կոնկրետ քաղաքական ուժի: Այս մասին «Ամերիկայի ձայն»-ին տված հարցազրույցում նշել է ՀՀ առաջին փոխվարչապետ Արարատ Միրզոյանը:
«Այդ ուժն է եղել իշխանություն, նա է օգտագործել բոլոր լծակները սեփական գրպանի, սեփական իշխանությունը երկարաձգելու համար: Ի վերջո, դրա համար եղավ հեղափոխությունը: Այստեղ միտում չկա, ուղղակի վիճակագրությունը, փաստն այդպիսին է: Մենք ինչպես ասել ենք, որ քաղաքական վենդետա չի լինելու, այդպես էլ շարունակում ենք»,-ասաց նա:
Ինչ վերաբերում է դիտարկմանը, որ կոռուպցիայի դեմ պայքարում չափազանց մեծ տեղ է հատկացվում ուժային կառույցներին, առաջին փոխվարչապետն ասաց. «Ցավոք, տարիների ընթացքում այնպես է ստացվել, որ բանը բանից այնքան է անցել, այսինքն հանցագործություններն արված են, կան անհերքելի ապացույցներ եւ բնականաբար պետք է դրանցով զբաղվի իրավապահ համակարգը:
Այլ բան, որ մենք հիմա աշխատում ենք մակել ու ներդնել կանխարգելիչ մեխանիզմներ, որոնք թույլ չեն տա կոռուպցիան ի հայտ գա սկզբնական փուլում, ու բանը չի հասնի իրավապահներին»:
Հարցին, թե դուրս գալով նախկին իշխանությունների օրոք լուրջ դիրք ու ռեսուրս ունեցողների դեմ, իշխանության ներկայացուցիչները չե՞ն վախենում, Արարատ Միրզոյանը պատասխանեց. «Եթե պետք է վախենայինք, պետք է ընկրկեինք, ապա մենք չէինք սկսի մարտի 31-ին քայլարշավը Գյումրիից: Գիտեք հավանաբար, որ մենք ամեն ինչ դրել ենք սեղանին եւ պատրաստ ենք եղել, գիտակցել ենք, որ ձախողման դեպքում առնվազն ազատությունից ենք զրկվելու չգիտես քանի տարով: Դա մեզ հետ չի պահել, մենք չենք ընկրկել: Դա էր նաեւ կարծում եմ, որ մարդիկ տեսան ու աջակցեցին շարժմանը: Այսուհետ եւս չենք պատրաստվում ընկրկել: Մենք մեր սկսած գործը ավարտին հասցնելու ենք: Որեւէ ուժ չի կարող փորձել կանգնել ժողովրդի եւ ՀՀ քաղաքացիների ցանկության դեմ՝ ինչ ռեսուրս էլ ունենա այդ ուժը: Կարող եմ ավելի պատկերավոր ու կարճ ասել՝ մենք դուխով ենք»:
Հոկտեմբերի 15-ին՝ ժամը 15։30-ին, Հայելի ակումբի հյուրն է Մանուել Մանուկյանը
Հոկտեմբերի 15-ին՝ ժամը 15։00-ին, Հայելի ակումբի հյուրն է Էլյանորա Մանանդյանը
Հոկտեմբերի 15-ին՝ ժամը 13։00-ին, Հայելի ակումբի հյուրն է Պարույր Հայրիկյանը
Հոկտեմբերի 15-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հոկտեմբերի 15-ին՝ ժամը 11։00-ին, Հայելի ակումբի հյուրն է Նարինե Դիլբարյանը
Հոկտեմբերի 14-ին՝ ժամը 11։00-ին, Հայելի ակումբի հյուրն է Արման Աբովյանը
Հոկտեմբերի 14-ին՝ ժամը 12։30-ին, Հայելի ակումբի հյուրն է Զարուհի Փոստանջյանը
Հոկտեմբերի 14-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հոկտեմբերի 13-ին՝ ժամը 16։00-ին, Հայելի ակումբի հյուրն է Հայկ Այվազյանը
Հոկտեմբերի 13-ին՝ ժամը 15։00-ին, Հայելի ակումբի հյուրն է քաղաքական գործիչ Արմենուհի Կյուրեղյանը
Հետևեք մեզ Viber-ում
