Արցախ այցելած թուրք մտավորականը՝Մեջլիսի պատգամավոր
Թուրքիայի քրդական «Ժողովուրդների դեմոկրատական» (HDP) կուսակցության կողմից առաջադրված թեկնածու Էրոլ Քաթըրջըօղլուն ևս Թուրքիայի խորհրդարանական ընտրությունների արդյունքներով մեջլիս պատգամավոր է դարձել:Հիշեցնենք,որ այս նույն կուսակցության պատգամավոր է նաև Դիարբեքիրում առաջադրված հայազգի Գարո Փայլանը: Էրոլ Քաթըրջըօղլուն այն 4 թուրք մտավորականներից մեկն է,ովքեր 2017 թվականի սեպտեմբերի 22-ին Հայաստանի տարածքով Արցախ էին այցելել: Հիշեցնենք նաև,որ սեպտեմբերի 22-ին Հայաստանի տարածքով Արցախ այցելած թուրք մտավորականները մեղադրվում էին «Ադրբեջանի պետական սահմանն ապօրինի կերպով հատելու» հոդվածով: Նրանց նկատմամբ հայտարարվել էր միջազգային հետախուզում: Հայաստանի տարածքով Արցախ այցելած գրող Սայիթ Չեթինօղլուի, քաղաքական գործիչ Ուֆուք Ուրասի, լրագրողներ Ալի Բայրամօղլուի եւ Էրոլ Քաթըրջըօղլուի քայլը «դավաճանություն է ոչ միայն եղբայրական Ադրբեջանի, այլեւ Թուրքիայի հանդեպ», հայտարարել էր Ադրբեջանի խորհրդարանի պատգամավոր Այդըն Հուսեյնովը: Հուսեյնովը հույս էր հայտնել, որ Թուրքիան կարճ ժամանակահատվածում թուրք մտավորականներին կարտահանձնի Բաքվին. «Նրանց այս քայլն անհասկանալի է: Թուրքիան եւ Ադրբեջանը եղբայրական պետություններ են: Վստահ եմ՝ շուտով նրանց կարտահանձնեն Ադրբեջանին»:
Հետևեք մեզ Viber-ում
