Դրանից բնավ չի բխում, որ նա զոհված հերոսների հոգեբանական մոտիվացիայի գիտակցականությունը կասկածի ենթարկեր
Կարպիս Փաշոյանի վերաբերմամբ «Հայելի» ակումբում երեկ իմ արձանագրումներից մեկի հետ կապված ըստ ամենայնի թյուրիմացություն է տեղի ունեցել, դա ինձ անհանգստացրեց, բանակում իրենց զինծառայության պարտքը կատարած ՀՀ քաղաքացիների հանդեպ հարգանքի ներքին զգացողություն ունեմ: Բայց «Հայելի» ակումբում իսկ ես նշել եմ, որ մամուլից եմ տեղեկացել, թե Կ. Փաշոյանի անունը կա ծառայությունը հետաձգել կամեցողների ցուցակում: Այսինքն՝ թյուրիմացությունը այդ հրապարակումից է, որևէ ռազմահայրենասիրական բանդագուշանք չիք: Ուրախ եմ, որ Կարպիս Փաշոյանը ծառայել է, չի հետաձգել իր զինապարտությունը: Ապատեղեկատվությունն այս մասով փարատված է: Բայց, անկեղծ ասած, դրանից բնավ չի բխում, որ նա պետք է ապրիլյան պատերազմի զոհված հերոսների հոգեբանական մոտիվացիայի գիտակցականությունը կասկածի ենթարկեր: Մյուս երկու փաստարկները՝ ա. մասնագիտական և բ. կենսական փորձի ակնհայտ անբավարարությունը բարոյահոգեբանական և փիլիսոփայական ընդհանրացումների վերաբերյալ առավել ևս ուժի մեջ են: Զոհված Հերոսների և ներկայիս հերոսացողների հանդեպ հարգանօք, թեև նրանց մոտիվացիան հույժ տարբեր է: Այս մասին ֆեյսբուքյան էջում գրել է լեզվաբան Նարինե Դիլբարյանը:
Հետևեք մեզ Viber-ում
