Թեղուտ ու Հաղարծին գյուղերի բնակիչները հարձակվել են անտառը հսկող բնապահպանների խմբի վրա
Թեղուտ ու Հաղարծին գյուղերի բնակիչներն այսօր հարձակվել են բնապահպան կամավորների խմբի վրա, որոնք հսկում են անտառը՝ այնտեղ ծառահատումներ թույլ չտալու համար: Այս մասին տեղեկացնում է «Բնապահպանի Տուն»-ը, իր ֆեյսբուքյան էջում գրելով. «Երբ մեր ազգի լավագույն ջահելությունը, որը հեղափոխությունը զրոյից իրականացրեց ու անպարտելի թվացող ՀՀԿ-ական վիշապին հաղթեց, հիմա էլ բախվում է հենց նույն ազգի անասուն մտածելակերպի հետ: Տարիներ շարունակ Թեղուտ ու Հաղարծին գյուղերի բնակչության մի հսկայական զանգված կաշառք է տվել, ապօրինի անտառ է ոչնչացրել ու հիմա էլ չի հասկանում, որ բնությունը վերացնելով երկիրդ ես վերացնում: Էս տղերքն ու ևս 26 հոգի ու տասնյակ կամավորներ իրենց դարդն ու ցավը թողած հսկում են անտառը իսկ գյուղացիք մի քանի կոպեկի համար շարունակում են գողություն անել ու մարդ ծեծել: Ընդամենը ժամ առաջ 30 հոգով հարձակվել են մեր կամավորների վրա, հայհոյել, վիրավորել ու հարվածներ հասցրել: Ոչ մի աշխատանքի բացակայություն, թշվառ վիճակ և նման բաներ չեն արդարացնում էս արարքները, որովհետև մեր տանջված երկրի շատ գյուղեր գտնվում են շատ ավելի վատ վիճակում, բայց գտել են ապրելու այլ միջոցներ ու չեն թալանում համազգային հարստությունը: Գողը մնալու է գող, հայ պայքարող երիտասարդն էլ չի հանձնվելու: Բազմաթիվ անգամներ ներել ենք, աչք ենք փակել: Որոշ գյուղացիներն իրենց ձեռքով իրենց իսկ ուզում են դարձրած լինեն ազգի թշնամին: Տղերքը ամենասկզբից էլ եղել են ԴՈՒԽՈՎ, ու հենց նոր իմացանք, որ էլի ԴՈՒԽՈՎ մարդիկ են գալիս մեզ օգնելու»: Նաեւ հրապարակմանը կից ներկայացվում է տեսանյութ, որտեղ խմբի անդամները մանրամասն ներկայացնում են իրավիճակը:
Հետևեք մեզ Viber-ում
