Առողջապահության նախարարը խնդիր չի տեսնում
2018 թվականի ամառային զորակոչի ընթացքում ավելացած նոր զինծառայության ձևաչափի՝ թերքաշայինների, գերքաշայինների, գիշերամիզություն և բարձր ու ցածր հեմոգլոբին ունեցողների ծառայության անցնելու հարցում ՀՀ առողջապահության նախարարը խնդիր չի տեսնում: Կենտրոնական հավաքակայանում լրագրողների հետ ճեպազրույցի ժամանակ ՀՀ առողջապահության նախարար Արսեն ԹորոսյանըԿառավարության ընդունած թիվ 404 որոշման (թերքաշ, գերքաշ, բարձր և ցածր հեմոգլոբին ու գիշերամիզություն ունեցողները զորակոչվում են բանակ) հետ կապված մարդկանց դժգոհությունների վերաբերյալ ասաց, որ որոշման ընդունումից հետո այն անմիջապես ներկայացվել է փոփոխությունների: «Այն թերությունները, որոնք ի սկզբանե կային, շտկվել են: Կարծում եմ, եթե բժշկական անձնակազմն ու փորձագետները վստահ են, որ, օրինակ, թերքաշայինների դեպքում 45 կգ-ը կարելի է իջեցնել մինչև 43-ի, ես դրանում խնդիր չեմ տեսնում: Միանշանակ, իմ կարծիքը չի կարող ավելի գերակշիռ լինել, քան մասնագետինը»,- շեշտեց Արսեն Թորոսյանը: Նախարարը հավաստիացրեց, որ նման չափանիշները միշտ են վերանայվել և վերանայվում են ու կարիք լինելու դեպքում կրկին կվերանայվեն:
Հետևեք մեզ Viber-ում
