Հայտնաբերվել է Մադինա գյուղի՝ անհետ կորած բնակչի դին

Հայտնաբերվել է Մադինա գյուղի՝ անհետ կորած բնակիչ Կ. Ս.-ի (ծնված 1956 թ.) դին։ Այս մասին հայտնում է ՀՀ արտակարգ իրավիճակների նախարարության կայքը։ Ավելի վաղ հայտնել էինք, որ հուլիսի 16-ին, ժամը 19:06-ին «911» ծառայությանը տեղեկություն էր հաղորդվել, որ Գեղարքունիքի մարզի Մադինա գյուղի բնակիչը՝ Կ. Ս.-ն (ծնված 1956 թ.), առավոտյան տանից դուրս է եկել և չի վերադարձել: Որոնողական աշխատանքներին մասնակցել են ոստիկանության աշխատակիցներ և գյուղի բնակիչներ: Հուլիսի 17-ին, ժամը 07:55-ին Մադինա գյուղի տարածքում վերսկսվել են Կ. Ս.-ի որոնողական աշխատանքները: Աշխատանքներում ներգրավվել են 5 փրկարար, 5 ոստիկան և գյուղի 30 բնակիչ: Ժամը 10:05-ին Մադինա և Լեռնակերտ գյուղերի միջնամասում հայտնաբերվել է Կ. Ս.-ի դին: