ԱԱ-2018-ի ամենագրավիչ երկրպագուն. 5 փաստ Խորվաթիայի նախագահի մասին/տեսաշար/
ԱԱ- 2018-ն ավարտված է: Ֆուտբոլի աշխարհի առաջնության եզրափակիչ խաղում Ֆրանսիայի հավաքականը հաղթեց Խորվաթիայի ընտրանուն 4-2 հաշվով և դարձավ աշխարհի կրկնակի չեմպիոն:
Ինչ գիտենք մենք բալկանյան երկրի նախագահի մասին, ինչու էր նա պարբերաբար հայտնվում ֆուտբոլասերների ուշադրության կենտրոնում, ով է նա և ինչով է հայտնի: Wnews.am-ը ներկայացնում է 5 փաստ ԱԱ -2018-ի ամենագրավիչ ու հայտնի երկրպագուի մասին:
- Կոլինդա Գրաբեր-Կիտարովիչը 50 տարեկան է : Խորվաթիայի պատմության մեջ առաջին կին նախագահն է: 2015թ -ին, հաղթելով երկրի գործող լիդերին, դառնում է Խորվաթիայի նախագահ: Մինչ այդ Կոլինդան նախ ՆԱՏՕ-ի գլխավոր քարտուղարի տեղակալն էր, ապա `Խորվաթիայի դեսպանը ԱՄՆ-ում:
- Խորվաթիայի կին նախագահը վայելում է երկրի բնակչության մեծամասնության վստահությունը: Նա Խորվաթիայի ամենապոպուլյար քաղաքական գործիչն է: Կոլինդան չափազանց անմիջական է, անձամբ է վարում իր էջերը սոցիալական ցանցերում: ԱԱ- 2018-ին Սոչի էր ժամանել էկոնոմ կլասով, որպես սովորական ուղևոր, բացի այդ, խաղին հետևում էր ոչ թե VIP-տարածքից, այլև տրիբունայից: «Ես ուզում էի աջակցել մեր թիմին, ինչպես սովորական երկրպագուհի` ֆան-զոնայից: Բացի այդ, կրում էին ֆաների համար նախատեսված բլուզ, մինչդեռ VIP-տարածքի դրեսս կոդը ինձ թույլ չէր տա դա անել»,- ասել է նա:
- 50-ամյա Կոլինդա Գրաբեր-Կիտարովիչը չափազանց երիտասարդ ու գեղեցիկ տեսք ունի: Թերևս սա է պատճառը, որ Խորվաթիայի նախագահին շատերը նմանեցրել էին դերասանուհի Նիկոլ Օսթինին, ով լուսանկարվել էր բավական գայթակղիչ բիկինիով:
Այս լուրն, իհարկե, հերքվեց, բայց հետո համացանցում հայտնվեցին Կոլինդայի լողազգեստով իրական նկարները, որոնք պակաս գայթակղիչ չէին : Կին նախագահի գեղեցիկ կառուցվածքն ու լողազգեստով լուսանկարները նրան դարձրեցին ամենագրավիչ քաղաքական գործիչներից մեկը: Եթե դրան գումարենք նաև ժպիտը, որը Կոլինդայի այցեքարտն է դարձել, հասկանալի է, թե ինչու էր նա ԱԱ- 2018-ի ֆուտբոասերների ֆավորիտը:
- Խորվաթիայի նախագահը նախընտրում է խիստ , դասական ոճը: Ասում է, որ բրենդամոլ չէ: Սիրում է սև, սպիտակ և կարմիր գույները: Չի սիրում գումար ծախսել հագուստի վրա:
- Խորվաթիայի նախագահն ամուսնացած է ունի երկու երեխա: Ամուսնու` Յակ Կիտարովիչի հետ ծանոթացել է ուանողական տարիներին, սակայն միայն 28 տարեկանում են որոշել ամուսնանալ: Մասնագիտությամբ ինժիներ Յակն է ոգեշնչել կնոջը զբաղվել քաղաքականությամբ: Մինչ այդ Կոլինդան այդքան էլ հետաքրքրված չի եղել այդ ոլորտով:
Հետևեք մեզ Viber-ում
