Դավիթ ջան,մարդ ու կով իրարից հիշողությամբ են տարբերվում, եթե մարդ ենք, ուրեմն հիշողություն ունենք
Դավիթ ջան, ինչպես Հրանտ Մաթևոսյան իմաստունն է գրել՝ մարդ ու կով իրարից հիշողությամբ են տարբերվում, եթե մարդ ենք, ուրեմն հիշողություն ունենք: Ցավդ տանեմ, հենց նոր ավարտեցի Նիկոլի գիրքը, այնտեղ մի հոյակապ պատմություն կա այն մասին, թե Նովոսիբիրսկի փողոցում մի բողոքող մարդ սովորական զանգը 3 անգամ հնչեցնելուց հետո խոսում է երկրում տիրող անարդարության, կեղծիքի, ամենաթողության, ապօրինության մասին: Նիկոլի հետ քայլող ռուս մարդն էլ պրոֆեսիոնալ ընտրակեղծարար է, ում հետ անընդհատ վիճում են ժողովրդավարության մասին և Նիկոլը նրան ասում է՝ այս մարդը բացարձակ ճշմարտություն է ասում: Ընրակեղծարարն ասում է, որ այդ մարդը տնօրեն է եղել ու նրան գործից ազատել են, նա <աբիժնիկ> է, դրա համար է բողոքում: Նիկոլն էլ ոչ միայն ասում, այլև ապացուցում է, որ այդ մարդու ասածը բացարձակ ճշմարտություն է, որի հետ պրոֆեսիոնալ ընտրակեղծարարն, ի վերջո, համաձայնվում է ու Նիկոլն ասում է. էլ սրանից հետո ի՞նչ կապ ունի՝ նա տնօրեն է եղել, թե՝ ոչ, աբիժնիկ է, թե՝ ոչ, մարդը բացարձակ ճշմարտություն է ասում: Խորհուրդ կտամ ուշադիր կարդալ Նիկոլի գիրքը, հատկապես կառավարության երիտասարդ կազմին,կարծում եմ խելացիների վրա այն զսպող ազդեցություն կունենա, որի մասին՝ շուտով:
Հետևեք մեզ Viber-ում
