ՍԱՊԾ պետը Փաշինյանին անվանել է «քաղքենի և գիշանգղ»
Օրերս Politik.am-ը գրել էր, որ ՍԱՊԾ նորանշանակ պետը Գեորգի Ավետիսյանը հեղափոխության օրերին ոչ միայն չի հավատացել ընթացող պրոցեսներին, այլև ամեն կերպ փորձել է ծաղրել ընդդիմության առաջնորդներին, որոնք այդ օրերին փողոց էին դուրս հանում հազարավոր քաղաքացիների և պահանջում էին Սերժ Սարգսյանի հրաժարականը:
Ապրիլի 14-ին, օրինակ, Գեորգի Ավետիսյանը իր ֆեյսբուքյան էջում անդրադառնալով Երևանում ընթացող հանրահավաքին գրել էր. «Եթե ճիշտ գիտեմ, հանրահավաքը քաղաքական միջոցառում է, ուստի այդ միջոցառումների ժամանակ պետք է հնչեն քաղաքական ելույթներ։ Այլ հարց է, որ քաղաքական ելույթդ համեմում ես մեկ , երկու կատակով։ Իմ խորին համոզմամբ, երբ մի հոգի կանգնած է խոսափողը ձեռքին ու փորձում է հումոր անել (թեկուզ վատ հումոր) կոչվում է Սթենդափ քամեդի։ Ինձ մոտ տպավորություն է, որ այսօրվա հռետորները հա՛մ քաղաքական հա՛մ էլ հումորի դպրոցից դուրս են մնացել»։
ենք Ավետիսյանի մի գրառում, որը նա արել է 2015 թվականի հունիսի 24-ին: Այդ օրերին հազարավոր երիտասարդներ փակել էին Բաղրամյան պողոտան և պահանջում էին չեղարկել Էլեկտրաէներգիայի սակագնի թանկացման որոշումը: Հունիսի 24-ին պատգամավոր Նիկոլ Փաշինյանը առաջարկել էր կազմել կենդանի պատ` բռնությունը բացառելու նպատակով (հրապարակումը այստեղ):
Եվ ահա Փաշինյանի այս առաջարկի մասով Ավետիսյանը իր ֆեյսբուքյան էջում գրում է.«Стена под названием “Шоу слонов трансвеститов”! էն քաղքենին տենց էլ չհասկացավ, որ էժանագին խոդերով, իրա ռեյտինգը չի բարձրանա։ Цирк уехал клоуны остались!»: Ավետիսյանի այս գրառմանը պատասխանել է Փաշինյանի կուսակից Ալեն Սիմոնյանը:
Որքանով որ հասկացանք Ավետիսյանը նախկինում տանել չի կարողացել ընդդիմադիր գործիչ Նիկոլ Փաշինյանին: 2016 թվականին ՊՊԾ գնդի գրավման օրերին, երբ Փաշինյանը նորից փորձում էր կանխել բախումը ոստիկանների և քաղաքացիների միջև Ավետիսյանը նրան անվանել է գիշանգղ. «Գիշանգղ (стервятник) այս թռչունի որս չի անում, այն սնվում է այլ կենդանիների կողմից սպանված կենդանիների լեշերով: Բայց չեմ կարծում, որ շնորհակալ չի դրա համար, ի տարբերություն…տեսնես հաջորդն ո՞վ ա լինելու»:
Ի դեպ հենց այս գրառման օրը՝ հուլիսի 22-ին էր, որ պատգամավոր Նիկոլ Փաշինյանը փորձում էր իրավիճակի կառավարումը իր ձեռքը վերցնել և թույլ չտալ բախումներ ժողովրդի և ոստիկանների միջև (այդ օրվա Փաշինյանի ելույթը կարող եք դիտել այստեղ):
Եվ ահա այսքանից հետո զարմանալի է, թե ինչ է անում նման անձը ժողովրդական շարժման արդյունքում իշխանության եկած կառավարության կազմում: Ինչպե՞ս է Գեորգի Ավետիսյանի աշխատելու վարչապետ Փաշինյանի ենթակայության ներքո, եթե նրան համարել է «քաղքենի և գիշանգղ»: Իսկ եթե Ավետիսյանը հասկացել է, որ նախկինում առնվազն իրեն բարոյական չի պահել մշտապես պայքարի կիզակետում գտնվող Փաշինյանի նկատմամբ՝ լավ կլինի հրապարակային ներողություն խնդրի և դադարի զբաղեցնել այդ պաշտոնը:
Հետևեք մեզ Viber-ում
