Վարչապետն իրավունք ունի օպտիմալացնել Հայաստանի հավասարակշռված դիրքորոշումը. Կայծ Մինասյան
«Փաշինյանը հույս ունի հայտարարությունները գործի վերափոխել՝ ակնկալելով ուժեղ քայլեր եվրոպացիներից: Բայց Հայաստանի վարչապետին 3 հանգամանք է խոչընդոտում: Առաջինն այն է, որ Բրյուսելը գտնվում է ճգնաժամի մեջ (միգրանտներ, Ուկրաինա, հաստատություններ), երկրորդը՝ Արեւմուտքում, ինչպես Ռուսաստանում, քաղաքական ղեկավարները հետաքրքրվում են «Թավշյա հեղափոխության» ապագայով: Նրանք դեռ դիտարկման փուլում են: Երրորդը՝ Ղարաբաղյան հարցի ապագան է: Գործընթացը փակուղում է»,- «168 Ժամ»-ի հետ զրույցում այս մասին ասել է ֆրանսաբնակ քաղաքագետ Կայծ Մինասյանը՝ անդրադառնալով ԵՄ-ին ուղղված ՀՀ վարչապետ Նիկոլ Փաշինյանի դժգոհություններին: Մինասյանի կարծիքով՝ վարչապետն իրավունք ունի օպտիմալացնել Հայաստանի հավասարակշռված դիրքորոշումը: «Մի կողմից, Երևանը Ռուսաստանի դաշնակիցն է, որի հետ պետք է խոսի հավասարը հավասարի դիրքերից: Մյուս կողմից, Երևանը ցանկանում է օգտվել տարածաշրջանում ժողովրդավարության առաջընթացից՝ խրախուսելով արևմտյան երկրներին հենվել Հայաստանի վրա, որպես Հարավային Կովկասում ժողովրդավարացման և խաղաղության գործոն: Հոդվածն ամբողջությամբ կարող եք կարդալ «168 ժամ» թերթի այսօրվա համարում
Հետևեք մեզ Viber-ում
