Րաֆֆի Հովհաննիսյանի առաջարկը՝ Փաշինյանին

Լրագրողների հետ հանդիպման ժամանակ «Ժառանություն» կուսակցության առաջնորդ Րաֆֆի Հովհաննիսյանը պատասխանել է հարցին, թե ինչ ձևաչափով են մասնակցելու ԱԺ արտահերթ ընտրություններին: «Քննարկում չենք ունեցել, բայց կարծում եմ՝ հեղափոխության արդյունքները քաղաքականապես արձանագրելու համար, շարժման այն ուժերը, որոնք ցանկանում են ցուցակով գնալ, միասին պետք է գնան: Վարչապետ Փաշինյանին միասնական ցուցակով գնալու առաջարկ եմ արել: Մենք կողմ ենք կուսակցական դրոշները վայր դնելուն, եթե դա ընդունվի կողջունենք, եթե այդ առաջարկը չընդունվի, ամեն դեպքում մենք ակտիվ մասնակցություն կունենանք ընտրություններին, կորոշենք մասնակցության ձևը: Եթե ստացվի, ողջունելի կլինի, եթե ոչ՝ «Ժառանգություն»-ը կորոշի՝ առանձին գնալ, թե՞ ուրիշ ուժերի հետ»,- ասել է Հովհաննիսյանը: