Փաշինյանը կոչ է արել ՆԱՏՕ-ին ազդեցիկ ուղերձ հղել Ադրբեջանին. վարչապետի հարցազրույցը Euronews-ին (տեսանյութ)
Վարչապետ Նիկոլ Փաշինյանը կոչ է արել ՆԱՏՕ-ին ուղերձ հղել Ադրբեջանին, որ միջազգային հանրությունը չի ընդունի Լեռնային Ղարաբաղի հակամարտությունն ուժով լուծելու ցանկացած փորձ: Այդ մասին Նիկոլ Փաշինյանն ասել է Բրյուսել ՆԱՏՕ-ի գագաթնաժողովին մասնակցելու նպատակով կատարած այցի ընթացքում՝ Euronews-ին տված հարցազրույցում: «Չնայած Հայաստանը մասնակցում է Կոսովոյում և Աֆղանստանում ՆԱՏՕ-ի առաքելություններին, ինչը հնարավորություն է տալիս մասնակցել միջազգային անվտանգության ապահովմանը, սակայն Հայաստանին տեսնում եմ ՀԱՊԿ-ում: Մենք կմնանք Ռուսաստանի սերտ դաշնակիցը, և հույս ունենք զարգացնել մեր հարաբերությունները Ռուսաստանի հետ, բայց նաև ՆԱՏՕ-ի, արևմտյան երկրների, Եվրամիության և Միացյալ Նահանգների հետ: Մենք չենք պատրաստվում մեր միջազգային քաղաքականությունում կտրուկ շրջադարձեր անել»,- ասել է Հայաստանի վարչապետը՝ պատասխանելով հարցին, թե արդյոք Հայաստանը մնալու է Ռուսաստանի դաշնակիցը, թե փորձելու է ավելի մերձենալ ՆԱՏՕ-ին:
Հետևեք մեզ Viber-ում
