«Մեր քաղաքագետներն սկսել են տրտնջալ, թե նոր իշխանություններն այն չեն». Արծրուն Պեպանյան
Քաղաքական վելուծաբան Արծրուն Պեպանյանը «Ֆեյսբուք»-ում գրել է. «Մեր քաղաքագետները սկսել են տրտնջալ, թե նոր իշխանություններն այն չեն: Մեկը տրտնջում է, թե երկու ամիս է անցել, բայց երկրի տեսլական չկա: Մյուսը տրտնջում է, թե կադրային քաղաքականությունը խայտառակություն է: Հետաքրքիրն այն է, որ այս քաղաքագետները ապրիլին թողել էին իրենց կոչումն ու հեղափոխական հովերով խանդավառված՝ րոպեներ ու վայրկյաններ էին հաշվում, թե երբ է գալու բաղձալի հաղթանակը: Լավ, եթե ժողովուրդը գլուխ չի հանում քաղաքականությունից և ապրիլին հարցեր չէր տալիս, ապա ինչն էր խանգարում ձեզ խանդավառությանը տրվելու և հեղափոխության մունետիկ դառնալու փոխարեն այդ ժամանակ հարցնեիք շարժման առաջնորդներին, թե որն է երկրի իրենց տեսլականը, որն է իրենց թիմը, որն է կառավարության իրենց կազմը, որոնք են այն արժեքները, որոնց հիման վրա երկիր է կառուցվելու ... Չէ որ ներկայանում եք որպես քաղաքագետ...»:
Հետևեք մեզ Viber-ում
