«ԵՄ պաշտոնյային տվեցի մեր հայտնի կոռուպցիոների անունը».Փաշինյան
«Երբ ԵՄ պաշտոնյաներից մեկն ասաց, որ ինչ-որ մի ծրագրի շրջանակներում պատրաստ են ինչ- որ գումարի աջակցություն հատկացնել ՀՀ-ին, ես նրան տվեցի հայտնի կոռուպցիոների անուն, ու ասացի՝ իրան որ մի հատ լավ թափ տանք, էդքան գումար կթափվի գրպանից, այնպես որ էդ գումարը պահեք ձեզ, մենք մեծ թվով կոռուպցիոներներ ունենք ու թափ կտանք.... Մենք հայցորդ չենք»,- Բրյուսելի օդանավակայանում, ՆԱՏՕ-ի գագաթնաժողովի շրջանակներում երկօրյա այցի արդյունքներն ամփոփելու ժամանակ, ասաց ՀՀ վարչապետ Նիկոլ Փաշինյանը: «Այցը կարելի է համարել ծանոթությունների, անձնական շփումների հաստատման այց: Նրանց համար ՀՀ դիրքորոշումը հստակ եղավ ու դա կօգնի ճշգրտել իրենց քաղաքականությունը Հայաստանի նկատմամբ, քանզի հեղափոխությունից հետո, այո ջերմ հայտարարություններ են հնչել, բայց քաղաքականության մեջ փոփոխություն տեղի չի ունեցել, ու ես հասկացրի մեր գործընկերներին, որ դա այնքան էլ հասկանալի ու ընդունելի չէ: Բսյց մենք հայցորդի կարգավիճակում չենք, իրենց ընտրությունն է, թող ընտրեն»,- ավելացրեց Փաշինյանը:
Հետևեք մեզ Viber-ում
